 |  مستعفی دلیپ مینڈیز |
سری لنکا کے کرکٹ بورڈ کے چیف ایگزیٹو دلیپ مینڈیز نے اپنے عہدے سے استعفیٰ دیدیا ہے۔ قومی ٹیم کے سابق کپتان، دلیپ مینڈیز نے مستعفی ہونے کے بعد بتایا کہ وہ اس مرحلے پر اپنے فیصلے کی وجوہات کی تفصیل میں جانا نہیں چاہتے۔
سری لنکا کی حکومت نے مارچ کے مہینے میں کرکٹ بورڈ کو توڑ دیا تھا جس کے بعد سے استعفوں کا سلسلہ جاری ہے۔ کھیل کو جاری رکھنے کے لئے ایک عبوری کمیٹی بنائی گئی تھی جسے انٹرنیشنل کرکٹ کونسل نے تسلیم کر لیا تھا۔
مینڈیز کو فروری 2004 میں انورا تیناکون کی جگہ پر سری لنکا کرکٹ بورڈ کا چیف ایگزیکٹو مقرر کیا گیا تھا۔
دلیپ مینڈیز نے سری لنکا کا پہلا ٹیسٹ میچ 1982 میں انگلنڈ کے خلاف کھیلا تھا اور تین برس بعد سری لنکا کی جس ٹیم نے ہندوستان کے خلاف فتح حاصل کی تھی اس کی قیادت کی۔
1988 میں ریٹائر ہونے کے بعد، وہ اپنی ٹیم کے کوچ، مینیجر اور سلیکٹر رہے۔ وہ ایشیئن کرکٹ کونسل کے ساتھ بھی کام کرتے رہے ہیں۔
توقع کی جارہی ہے کہ 52 سالہ سابق کپتان اس ہفتے کے آخر میں اپنے استعفے کی وجوہات پر بات کریں گے۔ | |  | | تازہ ترین خبریں | |
|
یہ صفحہ دوست کو ای میل کیجیئے
پرِنٹ کریں
