عبدالرشید شکور بی بی سی اردو ڈاٹ کام، فیصل آباد

محمد سمیع دوسرا ٹیسٹ نہیں کھیل سکیں گے

تھائی مسل یا ران کا پٹھا کھنچ جانے کے سبب وہ چوتھے دن بولنگ نہ کراسکے۔

پاکستانی ٹیم منیجمنٹ کے مطابق انہیں ایک ہفتے آرام کے لیے کہا گیا ہے جس کا مطلب یہ ہوگا کہ وہ 28 اکتوبر سے کراچی میں شروع ہونے والے دوسرے ٹیسٹ میں نہیں کھیل سکیں گے۔

محمد سمیع نے فیصل آباد ٹیسٹ کی پہلی اننگز میں عمدہ بولنگ کرتے ہوئے چار وکٹیں حاصل کی تھیں لیکن دوسری اننگز میں بارہ اوورز میں 48 رن کے عوض وہ کوئی وکٹ حاصل نہ کرسکے۔

محمد سمیع کا ان فٹ ہوجانا پاکستانی ٹیم کے لیے اس وجہ سے بھی مایوس کن ہے کہ دو دیگر فاسٹ بولرز شبیراحمد اور عمر گل پہلے ہی ان فٹ ہوکر بین الاقوامی کرکٹ سے دور ہیں۔