بھارت کے کسی انفرادی کھلاڑی نے اولمپک مقابلوں میں چاندی کا تمغہ ایک سو چار سال پہلے جیتا تھا

چونتیس سالہ میجر راجیا وردھن راٹھور نے ’ڈبل ٹریپ شوٹنگ‘ میں چوالیس پوائنٹ حاصل کر کے یہ تمغہ جیتا جبکہ سونے کا تمغہ متحدہ عرب امارات کے احمد المکتوم نے حاصل کیا۔

راجیا وردھن راٹھور نے مارچ میں آسٹریلیا کے شہر سڈنی میں ہونے والے ورلڈ کپ میں سونے کا تمغہ اور قبرص میں ہونے والی ورلڈ چیمین شِپ میں کانسی کا تمغ حاصل کیا تھا۔

وہ بھارتی فوج میں میجر ہیں اور بھارت کے زیر انتظام کشمیر میں بارامولہ اور کپواڑا میں تعینات رہ چکے ہے۔ انہوں نے نشانہ بازی کے مقابلوں میں انیس سو اٹھانوے سے حصہ لینا شروع کیا۔

حال ہی میں دیے گئے ایک انٹرویو میں راٹھور نے کہا تھا کہ اولمپک مقابلوں میں جیتنے کی کوشش کرتے ہوئے شوٹنگ کرنا میدان جنگ میں شوٹنگ سے کہیں زیادہ مشکل ہے۔