عروج جعفری بی بی سی اردو ڈاٹ کام، کراچی

کیا پاکستان ہاکی ٹیم ان اولپمک مقابلوں میں کامیاب ہو سکے گی؟

ٹیم سولہ کھلاڑیوں پر مشتمل ہو گی جس کی کپتانی محمد ندیم کریں گے۔

ہاکی کلب آف پاکستان سٹیڈیم کراچی میں پاکستان ہاکی فیڈریشن کے چیر مین جنرل محمد عزیز خان، صدر پاکستان ہاکی فیڈریشن اختر رسول اور چیرمین نیشنل سلیکشن کمیٹی بریگیڈیر مسرت اللہ خان سمیت دیگر متعلقہ حکام نے متفقہ طور پر اس سولہ رکنی ٹیم کے اعلان کیا۔

اس ٹیم میں کپتان محمد ندیم کے علاوہ احمد اسلم، سلمان اکبر، سہیل عباس ، زیشان اشرف ، علی رضا، غضنفر علی، وسیم احمد ، دلاور حسین، عدنان مقصود، ریحان بٹ، مدثر علی خان ، کاشف جواد، محمد شبیر، طارق عزیز اور شکیل عباسی شامل ہیں۔ جبکہ رزرو کھلاڑیوں میں محمد سرور اور عمران خان صرف سپین کے دورے میں ٹیم کے ساتھ ہوں گے۔

یاد رہے کہ پاکستان نےآخری مرتبہ اولمپک کا تمغہ سن انیس سو چوراسی میں لاس اینجلز اولمپکس کے دوران جیتا تھا۔