عبدالرشید شکور بی بی سی اردو ڈاٹ کام کراچی

جونیئر ایشیا کپ مقابلوں کی ایک فایل فوٹو

جب کہ دفاعی چیمپئن جنوبی کوریا نے چینی تائپے کو دوکےمقابلے میں آٹھ گول سے ہرادیا۔

بھارت کو پہلے ہاف میں پانچ گول کی سبقت حاصل تھی جسے اس نے میچ کے اختتام تک دوگنا کرلیا۔

جونیئرعالمی چیمپئن کی طرف سے پریم کمار نے ہیٹ ٹرک کی جبکہ پنالٹی کارنر ایکسپرٹ سندیپ سنگھ نے دو گول کیے ان دو گولوں کے ساتھ ان کے اس ٹورنامنٹ میں کیے ہوئے گولوں کی تعداد بارہ ہوگئی ہے۔

سندیپ سنگھ کا کہنا ہے کہ وہ اپنی کارکردگی سے بہت خوش ہیں اور انہیں یقین ہے کہ بھارتی ٹیم یہ ٹورنامنٹ ضرور جیتے گی۔

جنوبی کوریا کو اس وقت حیران کن صورتحال سے دوچار ہونا پڑا جب چینی تائپے نے اس کی ایک گول کی برتری کو نہ صرف ختم کردیا بلکہ ایک گول کی سبقت بھی حاصل کرلی تاہم اس کے بعد کورین کھلاڑی کھیل پر چھاگئے اور انہوں نے حریف ٹیم کو سنبھلنے کا موقع ہی نہیں دیا۔

اتوار کو دو اہم میچ کھیلے جائیں گے جن کے بعد گروپ چیمپئن ٹیموں کا فیصلہ ہوجائے گا۔ گروپ اے میں پاکستان کا مقابلہ جنوبی کوریا سے ہوگا ۔ گروپ بی میں بھارت کا مقابلہ ملائیشیا سے ہوگا۔

جونیئر ایشیا کپ سے تین ٹیمیں جونیئر ورلڈ کپ کے لئے کوالیفائی کریں گی جو آئندہ سال ہالینڈ میں کھیلا جائے گا۔