محمد سمیع کی چوٹ سے پاکستانی ٹیم کی مشکلات میں اضافہ

اس صورتحال سے پاکستانی کرکٹ ٹیم کی مشکلات میں اضافہ ہو گیا ہے۔ پاکستانی ٹیم میں پہلے ہی تیز بولر عمر گل اور شبیر خان، آل راؤنڈر عبدالرزاق اور وکٹ کیپر معین خان فٹ نہیں ہیں۔

پاکستانی کوچ جاوید میانداد کے مطابق محمد سمیع بہت تکلیف میں ہیں اور ان کا علاج کیا جا رہا ہے۔ جاوید میانداد کو توقع ہے کہ محمد سمیع میچ سے پہلے فٹ ہو جائیں گے۔

محمد سمیع کو چوٹ لگنے بعد پاکستانی ٹیم میں شعیب اختر ہی واحد تیز بولر ہیں جو فٹ ہیں۔

فضلِ اکبر، راؤ افتخار، عبدل رؤف اور نویدالحسن کا نام اعلان کردہ سترہ رکنی ٹیم میں شامل ہے جس میں سے اتوار کو پندرہ ارکان کا انتخاب کیا جائے گا۔

ان میں سے صرف فضلِ اکبر نے پہلے چار ٹیسٹ میچوں میں حصہ لیا ہے اور دس وکٹیں حاصل کی ہیں۔

نویدالحسن نے صرف ون ڈے میچوں میں شرکت کی ہے اور بھارتی ٹیم کے موجودہ دورے میں پہلے ون ڈے میچ میں تہتر رنز دے کر تین وکٹیں حاصل کی تھیں۔

میانداد کا کہنا ہے: ’مجھے اپنے نئے بولروں کی صلاحیتوں پر پورا بھروسہ ہے اور وہ بھارت کا اچھا مقابلہ کریں گے‘

امید  مجھے اپنے نئے بولروں کی صلاحیتوں پر پورے بھروسہ ہے اور وہ بھارت کا اچھا مقابلہ کریں گے جاوید میانداد

لیکن عمر گل کے ٹیم میں نہ ہونے سے اور محمد سمیع کے ممکنہ اخراج سے پاکستانی ٹیم کے جیتنے کے امکانات پر زد پڑے گی۔

ادھر شبیر خان، عبدالرزاق اور معین خان ابھی تک صحت یاب نہیں ہوئے اور ان کا علاج ہو رہا ہے۔

پاکستان ٹیم: انظمام الحق (کپتان)، توفیق عمر، عمران نذیر، عمران فرحت، یاسر حمید، یوسف یوہانہ، عاصم کمال، مصباح الحق، کامران اکمل (وکٹ کیپر)، شعیب اختر، محمد سمیع، دانش کنیریا، شعیب ملک، فضلِ اکبر، راؤ افتخار، عبدل رؤف اور رانا نویدالحسن