یہ صفحہ دوست کو ای میل کیجیئے		پرِنٹ کریں

سعودی عرب کی وزارتِ داخلہ نےیہ اپیل اخبارات کے ذریعے کی ہے۔ ساتھ ہی لوگوں کی سہولت کے لئے ایک رابطہ نمبر بھی دیا گیا ہے۔

یہ اقدام سعودی عرب کی شدت پسند تنظیموں کے خلاف کارروائیوں کی ایک کڑی ہے۔ حکام کی یہ کوشش ہے کہ بیرونی دنیا کے سامنے ملک کی ساکھ کو بہتر بنایا جائے۔

امریکہ میں حکام سعودی عرب پر یہ الزام عائد کرتے ہیں کہ گیارہ ستمبر کے واقعات کے بعد سے سعودی حکام اپنے ملک میں دہشتگردوں کی کارروائیوں پر قابو پانے کے لئے جو اقدامات کر رہے ہیں وہ ناکافی ہیں۔

گیارہ ستمبر کے حملوں میں ملوث انیس افراد کا تعلق مبینہ طور پر سعودی عرب سے بتایا جاتا ہے۔

وزارتِ داخلہ کے مطابق حکومت اپنے شہریوں کے تحفظ کو یقینی بنانا چاہتی ہے اور چاہتی ہے کہ لوگ ان مشتبہ تنظیموں کے بہکاوے میں نہ آئیں جن کا مقصد جرائم پھیلانا اور لوگوں کو مذہب سے دور کرنا ہے۔

حالیہ چند دنوں میں کئی سعودی نوجوان لاپتہ ہونے کے بعد ایسی تنظیموں میں شامل ہوچکے ہیں۔ سعودی عرب میں شدت پسند تنظیموں کی کارروائیوں میں تیزی آئی ہے جس کے نتیجے میں ملک کی سیکیورٹی افواج اور مسلح گروپوں میں جھڑپیں بھی ہوتی رہی ہیں۔