یہ صفحہ دوست کو ای میل کیجیئے		پرِنٹ کریں

اینڈی روڈک ایکشن میں

اینڈی راڈک نے کینیڈا میں ہونے والے ماسٹرز سیریز کے مقابلوں میں اپنے حریف راجر فیڈرر کو چھ چار، تین چھ اور سات چھ سے ہرا کر ومبلڈن کے سیمی فائنل میں ان کے ہاتھوں شکست کا بدلہ لیا ہے۔

فیڈرر کی شکست کا مطلب ہے کہ اب وہ آندرے اگاسی پر سبقت اور دنیا کے نمبر ون بننے کا موقع گنوا چکے ہیں۔اپنی شسکت پر انہوں نے کہا کہ یہ نادر موقع ہاتھ سے نکلنے پر انہیں رنج ہے۔

امریکی کھلاڑی راڈک نے اپنی طاقتور سروس کے زور پر سویٹزرلینڈ کے فیڈرر پر قابو پایا۔ تاہم ومبلڈن کے چیمپیئن کو شکست سے دو چار کرنے کے لئے انہیں سخت محنت کرنا پڑی۔

راڈک کا مقابلہ فائنل میں ڈیوڈ نلبینڈیئن سے ہوگا جنہوں نے رینر شوٹلر کو تین چھ، چھ دو اور چھ دو سےشکست دی تھی۔

رینر کا تعلق ارجنٹینا سے ہے۔