پاکستان کی آٹھ وکٹیں گرگئیں، برتری281 رنز

پاکستان اور انگلینڈ کے مابین لارڈز کےمیدان پر جاری پہلے ٹیسٹ کےتیسرے روز کھیل کے اختتام تک پاکستان نےآٹھ وکٹوں کے نقصان پر 214 رنز بنائے اور اس کی مجموعی برتری281 رنز ہو چکی ہے۔

ناٹ آؤٹ بیٹسمین یاسر شاہ 30 رنز اور محمد عامر صفر پر کھیل رہے ہیں۔

آؤٹ ہونے والےآخری کھلاڑی وہاب ریاض تھے جو بغیر کوئی رنز بنائے کرس ووکس کے ہاتھوں آؤٹ ہوئے۔

کرس ووکس نے اس میچ میں گیارہ وکٹیں حاصل کر چکے ہیں۔

٭ تیسرے روز کے کھیل کی تصویری جھلکیاں

٭ <link type="page"><caption> تفصیلی سکور کارڈ کے لیے کلک کریں</caption><url href="http://www.bbc.co.uk/sport/cricket/scorecard/ECKP90214" platform="highweb"/></link>

پاکستان کے آؤٹ ہونے والوں کھلاڑیوں میں سرفراز احمد 45، اسد شفیق 49، یونس خان 29، مصباح الحق 0، اظہر علی 23، محمد حفیظ 0 اور شان مسعود 24 شامل ہیں۔مصباح الحق آف سپنر معین علی کو چھکا لگانے کی کوشش میں باونڈری پر کیچ آؤٹ ہوگئے ۔

اس سے پہلے پاکستان نے ابتدائی 37 منٹ کے کھیل انگلینڈ کی بقیہ تین وکٹیں حاصل کیں اور اس طرح پاکستان کو 67 رنز کی برتری حاصل ہو گئی۔ فاسٹ بولر وہاب ریاض اور سپنر یاسر شاہ کے حصے میں ایک ایک وکٹ آئی۔ انگلینڈ کے ایک کھلاڑی رن آؤٹ ہوئے۔

تیسرے روز جب انگلینڈ نے جب اپنی اننگز کا آغاز کیا تو پاکستان کو ابتدائی اووروں میں کامیابی حاصل ہو گئی ۔ وہاب ریاض نے ناٹ آؤٹ بیسٹمین سٹیو براڈ کو بولڈ کر کے میچ میں پہلی وکٹ حاصل کی ہے۔ یاسر شاہ نے سٹیفن فن کو ایل بی ڈبلیو آؤٹ کیا جبکہ آخری کھلاڑی جیک بال رن آؤٹ ہو گئے۔کرس ووکس35 رنز کے سات ناٹ آؤٹ رہے۔

گذشتہ روز میچ کے اختتام پر انگلینڈ نے پاکستان کے 339 رنز کے جواب میں 253 رنز بنائے تھے اور اس کی سات وکٹیں گر چکی تھیں۔

پاکستان کی جانب سے یاسر شاہ سب سے کامیاب بولر رہے۔ یاسر شاہ نے 29 اووروں میں صرف 70 رنز دے کر چھ وکٹیں حاصل کیں۔ یاسر شاہ نے کی عمدہ بولنگ نے پاکستان کو مضبوط پوزیشن میں لاکھڑا کیا ہے۔

یاسر شاہ پہلے لیگ سپنر ہیں جنھوں نےگذشتہ 20 برسوں میں لارڈز کے میدان میں پہلی بار ایک اننگز میں پانچ وکٹیں حاصل کی ہیں۔ پچھلی بار پاکستانی لیگ سپنر مشتاق احمد نے لارڈز میں پانچ وکٹیں حاصل کی تھیں۔