روہت شرما کی سنچری رائیگاں، آسٹریلیا فاتح

پرتھ میں کھیلے جانے والے پہلے ایک روزہ میچ میں آسٹریلیا نے بھارت کو پانچ وکٹوں سے شکست دے کر پانچ ایک روزہ میچوں کی سیریز میں ایک صفر کی برتری حاصل کر لی ہے۔

آسٹریلیا نے 310 کا مطلوبہ ہدف پانچ وکٹوں کے نقصان پر آخری اوور میں حاصل کر لیا۔

<link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/live-scores" platform="highweb"/></link>

آسٹریلیا کی جانب سے سٹیون سمتھ اور جارج بیلی نے شاندار بیٹنگ کا مظاہرہ کرتے ہوئے سنچریاں بنائیں۔

سٹیون سمتھ نے 11 چوکوں اور دو چھکوں کی مدد سے 149 جبکہ جارج بیلی نے سات چوکوں اور دو چھکوں کی مدد سے 112 رنز بنائے۔

بھارت کی جانب سے بریندر بلبیر سنگھ سرن نے تین اور ایشون نے دو کھلاڑیوں کو آؤٹ کیا۔

اس سے پہلے بھارت نے روہت شرما کی شاندار سنچری کی بدولت 50 اووروں میں تین وکٹوں کے نقصان پر 309 رنز بنائے۔

بھارت کی اننگز کی خاص بات روہت شرما اور ویراٹ کوہلی کی شاندار بیٹنگ تھی۔

بھارت کی جانب سے روہت شرما نے 13 چوکوں اور سات چھکوں کی مدد سے 171 رنز بنائے اور آؤٹ نہیں ہوئے، جبکہ ویراٹ کوہلی نے نو چوکوں اور ایک چھکے کی مدد سے 91 رنز بنائے۔

آسٹریلیا کی جانب سے جیمز فاکنر نے دو اور ہیزل وڈ نے ایک کھلاڑی آؤٹ کیا۔