لوئی فیگو فیفا کی صدارت کے امیدوار

پرتگال کے مشہور سابق فٹبالر لوئی فیگو نے فٹ بال کی عالمی گورننگ باڈی فیفا کی صدارت کے لیے اپنا نام بطور امیدوار پیش کیا ہے ـ

بیالیس سالہ فیگو کے علاوہ فیفا کے صدارتی دوڑ میں ڈیوڈ گینولا، اردن کے شہزادہ علی، ہالینڈ کے مائکل وین پراگ اور جیروم شیمپین شامل ہیں ـ

فیفا کے موجودہ صدر سیپ بلیٹر 1988 سے اپنے عہدے پر فائز ہیں اور پانچویں بار بھی صدارت کے امیدوار ہیں ـ

فیگو کا کہنا ہے کہ فٹ بال نے انہیں زندگی میں بہت کچھ دیا ہے اور اب وہ فٹ بال کے کھیل کو کچھ لوٹانا چاہتے ہیں ـ

ان کا مزید کہنا ہے کہ گزشتہ کچھ سالوں میں فیفا کی ساکھ بری طرح متاثر ہوئی ہے اور انہیں یہ بات پسند نہیں کیونکہ فٹ بال اس سے بہتر کا مستحق ہے ـ

لوئی فیگو نے پرتگال کے لیے 127 میچز کھیلے اور ریال میڈرڈ کے ساتھ سنہ 2002 میں چیمپینز لیگ بھی جیتے تھے ـ

سنہ 2000 میں فیگو نے بیلن ڈور ایوارڈ جیتا اور سنہ 2001 میں وہ فیفا کا پلئیر آف دا ایئر بھی منتخب ہوئے ـ

فیفا کی صدارت کے لیے تمام امیدواروں کو اس جمعرات تک اپنے کاغذات نامزدگی جمع کروانے ہیں ـ