انڈیا کی کرکٹ ٹیم کے کوچ روی شاستری کی کرسی کے نیچے شراب کی بوتل کی حقیقت
،تصویر کا ذریعہSocial Media
- مصنف, فیکٹ چیک ٹیم
- عہدہ, بی بی سی نیوز
سوشل میڈیا پر شیئر کی جانے والی تصویر میں انڈین کرکٹ ٹیم کی گروپ فوٹو میں روی شاستری کی کرسی کے نیچے شراب کی بوتل نظر آ رہی ہے۔
اس تصویر میں روی شاستری کی بائیں طرف ٹیم کے کپتان وراٹ کوہلی بیٹھے ہوئے ہیں اور سپنر چہل ان کے پیچھے کھڑے ہوئے ہیں۔
سوشل میڈیا پر بیس ہزار سے زیادہ بار شیئر کی جانے والی اس تصویر کے ساتھ لوگوں نے تبصرے بھی کیے ہیں جن میں سے ایک میں کہا گیا ہے کہ ’جب ایک کوچ اپنی ٹیم کے ساتھ فوٹو کھنچوانے آتا ہے تب کیا اسے قوائد کو نہیں ماننا ہوتا ہے؟ بی سی سی آئی کو شاستری سے جواب مانگنا چاہیے۔‘
یہ بھی پڑھیے
،تصویر کا ذریعہSM Viral Post Grab
منگل کو انڈیا اور نیوزی لینڈ کے درمیان شروع ہونے والا پہلا سیمی فائنل بارش کے باعث مکمل نہیں ہو پایا تھا۔ میچ روکے جانے کے بعد یہ تصویر سوشل میڈیا پر شیئر کی جانے لگی۔
بی بی سی نے ریورس امیج سرچ کی مدد سے پتہ لگایا کہ اصل تصویر کے ساتھ چھیڑ خانی کی گئی ہے اور اس تصویر سے متعلق کیے جانے والے دعوے درست نہیں ہیں۔
End of سب سے زیادہ پڑھی جانے والی
،تصویر کا ذریعہSM Viral Post Grab
تصویر کی حقیقت
سوشل میڈیا پر وائرل ہونے والی روی شاستری کی یہ تصویر 6 جولائی 2019 کو انڈیا اور سری لنکا کے درمیان ہونے والے گروپ مقابلے سے پہلے کھینچی گئی تھی۔
بی سی سی آئی نے اپنے تصدیق شدہ ٹوئٹر ہینڈل سے انڈیا اور سری لنکا کے میچ سے قبل اصل تصویر ٹویٹ کی تھی جس کے ساتھ لکھا تھا ’ایک ٹیم، ایک ملک، ایک جذبہ۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کسی نے روی شاستری کو ہدف بنانے کے لیے اس تصویر کو ایڈٹ کیا اور ان کی کرسی کے نیچے شراب کی بوتل رکھ دی۔ اور وہی فرضی تصویر سوشل میڈیا پر شیئر کی جانے لگی۔
