کتابیں سننا صحت کے لیے کیوں مفید ہے؟
،تصویر کا ذریعہGetty Images
کیا آپ ورزش کرتے ہوئے ٹالسٹائی کو سنتے ہیں، یا پھر سفر کے دوران ہیمنگوے کو یا کچن میں کام کرتے ہوئے بورخیس کو؟
انسان ہزاروں برس سے کہانیاں سنتا اور سناتا چلا آیا ہے۔ لیکن اب ان آفاقی کہانیوں کو ٹیکنالوجی بدل رہی ہے۔ آج کل دنیا بھر میں صوتی کتابیں (آڈیو بکس) سننے کا رواج بڑھ رہا ہے اور لوگ اس کے ذریعے سے کتاب کو نئے سرے سے دریافت کر رہے ہیں۔
کہانی سننے اور پڑھنے میں کوئی فرق نہیں ہے۔ مقصد تخلیق سے لطف لینا ہے، چاہے طریقہ کوئی بھی ہو۔
صوتی کتابیں سننے کے کیا فوائد ہیں؟ ذیل میں ایسے ہی 12 فوائد کا جائزہ پیش کیا جا رہا ہے۔
1) آپ دوسرے کام کرتے ہوئے صوتی کتابیں سن سکتے ہیں
،تصویر کا ذریعہGetty Images
آپ ورزش کرتے ہوئے، گاڑی چلاتے ہوئے یا باورچی خانے میں کھانے پکاتے ہوئے کتاب سن سکتے ہیں۔ ظاہر ہے کہ عام کتاب پڑھتے وقت یہ کام ممکن نہیں ہیں۔
2) یہ ’ہینڈز فری‘ ہوتی ہیں
،تصویر کا ذریعہGetty Images
بعض بزرگ ایسے ہوتے ہیں جن کے لیے اصل کتاب پڑھنا اور اس سے صفحے الٹنا مشکل ہوتا ہے۔ وہ بھی آڈیو بکس سے مستفید ہو سکتے ہیں۔
End of سب سے زیادہ پڑھی جانے والی
3) انھیں اچھے صداکار پڑھ کر سناتے ہیں
،تصویر کا ذریعہGetty Images
کوئی کہانی سننتے ہوئے اس کے سنانے والے کی شخصیت بھی شامل ہو جاتی ہے۔
بہت سی صوتی کتابوں کے صداکار عمدہ اداکار ہوتے ہیں جس کا مطلب ہے کہ وہ مختلف کرداروں کے لیے آواز بدل سکتے ہیں اور مکالمے ڈرامائی طریقے سے سنا سکتے ہیں۔ اس سے دلچسپی بڑھ جاتی ہے۔
یہ بھی پڑھیے
4) طویل سفر اچھا کٹ جاتا ہے
،تصویر کا ذریعہGetty Images
طویل سفر خاصے بیزار کن ثابت ہو سکتے ہیں لیکن اگر اس دوران اچھی صوتی کتاب کا ساتھ ہو تو سفر خوش گوار بن جاتا ہے۔
5) یہ اچھی صحبت فراہم کرتی ہیں
،تصویر کا ذریعہGetty Images
جب آپ کسی دلچسپ کہانی کے تانے بانے میں کھوئے ہوں تو پھر کیسی بوریت؟
6) یہ آپ کو کسی اور دنیا میں لے جاتی ہیں!
،تصویر کا ذریعہGetty Images
روزانہ ایک ہی راستے سے گزر کر دفتر جانا اکتا دینے والا کام ہے۔ لیکن اس دوران ایک اچھی صوتی کتاب آپ کی توجہ کسی اور دنیا میں لے جا سکتی ہے۔
گاڑی میں پھنس کر کیوں بیٹھے رہیں جب آپ کسی دلچسپ کہانی کے کسی کردار کے ساتھ وقت گزار سکتے ہیں؟
7) ان کی مدد سے بیزار کن کام بھی دلچسپ ہو جاتے ہیں
،تصویر کا ذریعہGetty Images
روزانہ اکتا دینے والے کاموں سے کوئی مفر نہیں ہے جو آپ کو ہر حال میں کرنے ہی ہوتے ہیں۔
تاہم برتن دھوتے وقت، صفائی ستھرائی کرتے وقت یا استری کرتے وقت آپ ہیڈ فونز پر کوئی صوتی کتاب چلا کر ان کاموں کو بھی دلچسپ بنا سکتے ہیں۔
اس سے آپ کی استعداد میں بھی اضافہ ہو سکتا ہے۔
8) جن لوگوں کے لیے پڑھنا مشکل ہے ان کی زندگی آسان
،تصویر کا ذریعہGetty Images
ڈسلیکسیا نامی بیماری کا شکار بچوں اور بڑوں کے لیے تحریر پڑھنا مشکل ہوتا ہے۔ لیکن صوتی کتابیں ان کی زندگی بدل سکتی ہیں۔
اس کے علاوہ نابینا یا کمزور نظر والے لوگوں کے لیے بھی صوتی کتابیں نعمت سے کم نہیں۔
ایک تحقیق کے مطابق کہانیاں سننے سے فالج کے مریضوں کو افاقہ ہوتا ہے۔
9) دوسروں کے ساتھ مل کر کتاب سن سکتے ہیں
،تصویر کا ذریعہGetty Images
عام کتاب کو ایک وقت میں ایک ہی شخص پڑھ سکتا ہے، لیکن سپیکر پر صوتی کتابیں لگا کر متعدد افراد لطف اندوز ہو سکتے ہیں۔
اس طرح کسی کتاب سے ملنے والا مزا دوبالا ہو جاتا ہے۔ بعد میں چاہیں تو یہ لوگ اس کتاب پر تبصرہ بھی کر سکتے ہیں۔
10) بے خوابی کا علاج!
،تصویر کا ذریعہGetty Images
بہت سے لوگوں کے لیے صوتی کتابیں بےخوابی کا علاج ثابت ہوتی ہیں۔ اس کی وجہ یہ ہے کہ صوتی کتابیں سنتے وقت آپ کی توجہ صرف ایک جانب رہتی ہے، جس سے نیند آنے میں آسانی ہوتی ہے۔
11) صوتی کتابیں ہمیں بچپن کے دور میں واپس لے جاتی ہیں
،تصویر کا ذریعہGetty Images
صوتی کتابیں سنتے وقت آپ اس زمانے میں پہنچ جاتے ہیں جب آپ کے بڑے آپ کو کہانیاں سنایا کرتے تھے۔
12) بہت سی صوتی کتابیں مفت ستیاب ہیں!
،تصویر کا ذریعہGetty Images
انٹرنیٹ پر بہت سی ویب سائٹس پر مفت صوتی کتابیں دستیاب ہیں، جن میں اردو کتابوں کی صوتی لائبریری بھی شامل ہے۔
خود بی بی سی بہت سے کتابیں آواز کی شکل میں پیش کرتی ہے اور اس فہرست میں اضافہ ہوتا رہتا ہے۔
