بھارت کی انڈر-19 ٹیم نے آسٹریلیا کو چھ وکٹ سے شکست دیکر انیس سال سے کم عمر کے کھلاڑیوں کا عالمی کرکٹ کپ جیت لیا ہے۔
آئیرلینڈ اسٹیڈیم میں کھیلے جانے والے فائنل میچ میں آسٹریلیا نے پہلے بلے بازی کرتے ہوئے بھارت کے سامنے جیت کے لیے 226 رنوں کا ہدف رکھا تھا جسے بھارتی بلے بازوں نے چار وکٹ کے نقصان پر پورا کر لیا۔
آسٹریلیا نے آٹھ وکٹ کے نقصان پر 225 رنز بنائے تھے اور بھارت انڈر-19 ٹیم نے مطلوبہ رنز سینتالیس اعشاریہ چار گیندوں میں ہی حاصل کر لیا۔
بھارت کی جانب سے کپتان انمکت چند نے بغیر آؤٹ ہوئے ایک سو گیارہ رنز کی شاندار اننگز کھیلی اور بھارت کو جیت سے ہمکنارکیا۔
بھارت کے وکٹ کیپر ایس کے پٹیل نے بھی عمدہ بلے بازی کی اور بغیر آؤٹ ہوئے باسٹھ رنز بنائے۔
آسٹریلیا کی جانب سے کپتان ڈبلو جی بسسٹو نے سب سے زیادہ ستاسی رنز بنائے جبکہ بھارت کی جانب سے سندیپ شرما نے چار وکٹیں لیے اور آسٹریلیا کو بڑا اسکور کرنے سے باز رکھا۔
