ملالہ یوسفزئی، عصر ملک کا نکاح: نئے بندھن کی کس نے اور کیسے مبارکباد دی؟
،تصویر کا ذریعہTwitter/@Malala
امن کی نوبیل انعام یافتہ اور انسانی حقوق کی سرگرم کارکن ملالہ یوسفزئی نے منگل کی شب ٹویٹ کے ذریعے یہ انکشاف کیا کہ ان کا نکاح ہو گیا ہے۔
وہ لکھتی ہیں: 'آج میری زندگی کا بہت قیمتی دن ہے۔ عصر اور میں ایک دوسرے کے شریک حیات بن گئے ہیں۔ ہم نے برمنگھم میں اپنے خاندانوں والوں کے ساتھ گھر پر نکاح کی ایک چھوٹی سی تقریب کی۔ ہمارے لیے دعا کیجیے گا۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
سوات سے تعلق رکھنے والی 23 سالہ ملالہ یوسفزئی اپنے سر پر 2012 میں گولی لگنے کے بعد انگلینڈ علاج کے لیے گئی تھیں جہاں انھوں نے سکونت اختیار کر لیا اور کچھ عرصہ قبل آکسفورڈ یونی ورسٹی سے اپنی تعلیم مکمل کی۔
ملالہ یوسفزئی کی ٹویٹ کے بعد ان کو مبارکباد دینے کے لیے لوگوں کا تانتا بندھ گیا اور بڑی تعداد میں انھیں اور ان کے شوہر عصر ملک کو ٹویٹ کر کے انھیں دعائیہ کلمات سے نوازا۔
ملالہ یوسفزئی کے شوہر عصر ملک کون ہیں؟
،تصویر کا ذریعہTwitter/@Malala
ملالہ یوسفزئی کے کرکٹ کے شوق کا کسے نہیں علم۔ انھوں نے متعدد بار اپنے انٹرویوز میں کھیل میں اپنی دلچسپی کا اظہار کیا ہے۔
حسن اتفاق یہ ہے کہ ان کے شوہر عصر ملک کا کرکٹ سے بہت قریبی تعلق ہے اور وہ پاکستان کرکٹ بورڈ کے 'ہائی پرفارمنس' جنرل مینیجر ہیں۔
لاہور کے معروف ایچیسن کالج اور پھر لاہور یونیورسٹی آف مینجمنٹ سائنسز (لمز) سے پڑھائی کرنے والے عصر ملک پی سی بی میں نوکری کرنے سے قبل پاکستان سپر لیگ کی فرنچائز ملتان سلطانز سے بھی منسلک رہے ہیں جن کے لیے انھوں نے 'پلئیر ڈیوپلمنٹ' پروگرام تیار کیا تھا۔
سوشل میڈیا ردعمل
ملالہ یوسفزئی کی جانب سے سوشل میڈیا پر اپنے نکاح کی تصاویر پوسٹ کرتے ہی دنیا بھر سے مبارکباد اور تہنیتی پیغامات کا تانتا بندھ گیا۔ ان میں عالمی دنیا کے سیاسی رہنماؤں سے لے کر شوبز کی بڑی بڑی شخصیات بھی شامل ہیں۔
End of سب سے زیادہ پڑھی جانے والی
کینیڈا کے وزیر اعظم جسٹن ٹروڈو نے ٹویٹر پر اپنے خاندان کی جانب سے نئے جوڑے کے لیے نیک تمناؤں کا اظہار کیا۔
،تصویر کا ذریعہ@JustinTrudeau
سابق صدر آصف علی زرداری کی صاحبزادیوں آصفہ بھٹو زرداری اور بختاور بھٹو زرداری نے پاکستان کے دیگر سیاسی رہنماؤں کی طرح ملالہ کو مبارکباد کے پیغامات دیے۔
،تصویر کا ذریعہ@AseefaBZ
،تصویر کا ذریعہ@ChelseaClinton
دوسری جانب انسٹا گرام پر سرحد کی دوسری جانب سے انڈین اداکارہ پریانکا چوپڑا، کترینا کیف، موسیقار اے آر رحمان نے بھی مبارکباد کا پیغام دیا۔
،تصویر کا ذریعہInsta/katrinakaif
ترکی کی نامور لکھاری الیف شفق، ایپل کے سی ای او ٹم کک کے ساتھ ساتھ نوبل امن سینٹر کی جانب سے بھی ملالہ اور عصر کو نئے بندھن کی مبارک باد دی گئی۔
،تصویر کا ذریعہ@Elif_Safak
