اسلام آباد: پاکستانی فضائیہ کا ایف 16 تباہ، پائلٹ ہلاک
،تصویر کا ذریعہGetty Images
پاکستان کے دارالحکومت اسلام آباد میں پاکستانی فضائیہ کا ایک ایف 16 طیارہ گر کر تباہ ہو گیا ہے اور اس حادثے میں طیارے کے پائلٹ ہلاک ہو گئے ہیں۔
یہ حادثہ بدھ کی صبح شکر پڑیاں کے مقام پر پیش آیا جہاں یومِ پاکستان کی سالانہ پریڈ کی تیاریاں جاری تھیں۔
پاکستان ایئر فورس کے ترجمان کی جانب سے جاری کردہ بیان میں کہا گیا ہے کہ حادثے کا شکار ہونے والا ایف 16 طیارہ بھی 23 مارچ کی پریڈ کی ریہرسل کا حصہ تھا اور اس حادثے میں ونگ کمانڈر نعمان اکرم ہلاک ہوئے ہیں۔
یہ بھی پڑھیے
106ویں جی ڈی پائلٹ کورس سے پاس آؤٹ ہونے والے ونگ کمانڈر نعمان اکرم کا تعلق سرگودھا میں تعینات نائن سکوارڈن سے تھا۔
،تصویر کا ذریعہPAF
فضائیہ کے ترجمان کے مطابق اس حادثے کی تحقیقات کے لیے ایک انکوائری بورڈ تشکیل دینے کا حکم دے دیا گیا ہے۔
نامہ نگار شہزاد ملک کے مطابق دھماکے کے بعد جائے حادثہ سے دھوئیں کے بادل اٹھتے دیکھے گئے جبکہ واقعے کے فوراً بعد فوج کے جوانوں نے علاقے کو گھیرے میں لے لیا اور وہاں تک عام آدمی کی رسائی بند کر دی گئی۔
End of سب سے زیادہ پڑھی جانے والی
پولیس اور ضلعی انتظامیہ کے مطابق فوجی حکام کی جانب سے انھیں کہا گیا کہ اگر ان کی ضرورت پڑی تو انھیں مطلع کر دیا جائے گا۔
مواد دستیاب نہیں ہے
Facebook مزید دیکھنے کے لیےبی بی سی. بی بی سی بیرونی سائٹس پر شائع شدہ مواد کی ذمہ دار نہیں ہے.Facebook پوسٹ کا اختتام
حادثے کی ویڈیوز
سوشل میڈیا پر حادثے کی جو ویڈیوز شیئر کی جا رہی ہیں۔
ان ویڈیوز میں دیکھا جا سکتا ہے کہ طیارہ کرتب دکھاتے ہوئے پہلے ایک دم فضا میں بلند ہوتا ہے اور پھر نیچے آتے ہوئے زمین کے انتہائی قریب آ کر درختوں کے جھنڈ میں غائب ہو جاتا ہے۔
اس کے بعد اس مقام سے آگ کے شعلے اور دھوئیں کے بادل اٹھتے ہوئے دیکھے جا سکتے ہیں۔
