BBCShe#: ’لوگ کیا بولیں گے؟ اس کی بیٹی ایسے کر رہی ہے، ویسے کر رہی ہے‘

بی بی سی دنیا بھر میں خواتین کے حقوق کے لیے اپنی آوازیں بلند کرنے والوں کی کہانیاں آپ تک پہنچانے میں کوشاں ہے۔ اب اپنی نئی سیریز #BBCShe کے ساتھ ہم پاکستان کے طول و عرض میں رہتی خواتین کو ایک پلیٹ فارم مہیا کر رہے ہیں، جس کے ذریعے وہ میڈیا پر نشر ہونے والے مواد پر اپنی رائے دے سکیں اور ہمیں یہ بتائیں کہ خواتین کیا دیکھنا، پڑھنا اور سننا چاہتی ہیں۔

سیریز کی پہلی قسط میں ہماری ساتھی شمائلہ جعفری اور ان کی ٹیم نے پاکستان کے سب سے بڑے صوبے کا رخ کیا اور کوئٹہ کی سردار بہادر خان ویمن یونیورسٹی میں بلوچستان بھر سے آئی خواتین سے بات چیت کی۔