کیمیلہ پارکر بولز کا شہزادہ چارلز کے ساتھ رشتہ پرانہ ہے

ان کے والدین برطانیہ کی سسیکس کاؤنٹی میں رہتے تھے۔ کیمیلا کی ابتدائی تعلیم لندن کے معروف ’کویئنز گیٹ‘ سکول میں ہوئی جس کے بعد وہ سویٹزرلینڈ کے ایک ’فنشنگ سکول‘ میں کچھ عرصہ رہیں۔

کہا جاتا ہے کہ برطانوی ولی عہد اور کیمیلامیں محبت انیس سو بہتر میں ہوئی جب ان کی ایک پولو میچ کے دوران ملاقات ہوئی۔ تاہم ان دونوں میں قریبی دوستی کے باوجود شادی کی کوئی بات نہیں ہوئی اور ایک سال بعد کیمیلا نے فوج کے کیولری افسر اینڈریو پارکر بؤلز سے شادی کر لی۔ شادی کے وقت شہزادہ چارلز بحریہ کے ایک غیر ملکی مشن پر ملک سے باہر تھے۔

کیمیلا کے دو بچے ہیں : بیٹے ٹام پارکر بؤلز کی عمر تیس برس ہے جبکہ بیٹی لاؤرا چھبیس سال کی ہیں۔

ان دونوں کی انیس سو بہتر میں ملاقات ہوئی تھے

تاہم چارلز اور ڈیانا کی شادی کچھ سال تک چلنے والی بدمزگی اور علیحدگی کے بعد انیس سو چھیانوے میں طلاق میں ختم ہو گئی۔ اس سے پہلے ایک ٹی وی انٹرویو میں شہزادی ڈیانا نے کہا تھا کہ ان کی شادی میں دو نہیں ’تین لوگ شامل تھے‘ جس سے ان کا اشارہ کیمیلا پارکر بولز کی طرف تھا۔

شہزادی ڈیانا کے اس بیان کے بعد انیس سو چورانوے میں چارلز نے ایک ٹی وی انٹرویو میں کیمیلا پارکر بؤلز کے ساتھ اپنے رشتے کا اعترف کر لیا تھا۔

کیمیلا اور چارلز

اس کے بعد کیمیلا پارکر بؤلز کے بارے میں ذرائع ابلاغ میں نہایت منفی رپورٹیں آتی رہیں جس کے نتیجے میں وہ کافی عرصے تک سماجی سرگرمیوں سے ہٹ گئیں۔

لیکن انہوں نے شہزادہ چارلز کا ساتھ نہیں چھوڑا۔ انیس سو ننانوے میں وہ چارلز اور ان کے دونوں بیٹوں کے ساتھ چھٹی پر گئیں۔ اس کے بعد سے وہ شہزادہ چارلز کے ساتھ سماجی تقریبات پر بھی آنے لگیں۔