2000 میں فلوریڈا میں ووٹوں کی گنتی دوبارہ ہوئی تھی

سیاسی ماہرین کا کہنا ہے کہ امریکی صدارتی انتخابات کا نتیجہ ان چند ریاستوں پر منحصر ہے جہاں کسی ایک حریف کو واضح اکثریت حاصل نہیں ہوگی۔

ہوسکتا ہے کہ ان اہم ریاستوں میں نتائج کا فیصلہ چند ہزار ووٹوں سے ہو۔سیاسی جماعتوں کو معلوم ہے کہ ان ریاستوں میں اپنے حامیوں کو پولنگ اسٹیشنوں تک لانا مشکل کام ہے۔

لیکن رائے عامہ کے جائزوں سے پتہ چلتا ہے کہ کچھ رائے دہندگان کو اس بات کی فکر ہے کہ کسی قانونی تنازعہ کی وجہ سے ان کے ووٹوں کی گنتی نہیں ہوگی جیسا کہ چار سال قبل فلوریڈا میں ہوا تھا جب ووٹوں کی گنتی پرایک طویل قانونی لڑائی کے بعد معمولی ووٹوں کے فرق سے صدر بش کی جیت کا اعلان کر دیا گیا تھا۔

اہم ریاستوں کے الیکٹورل ووٹ فلوریڈا -27الیکٹول ووٹ پنینسویلہ -21 اوہیو -20 منیسوٹا -10 وسکوسن -10 آیووا -7 نوادہ -5 نیومیکسیکو -5 نیوہیمپشائر -4

امریکی ووٹر ان انتخابات میں نہ صرف نئے صدر اور نائب صدر کا انتخاب کریں گے بلکہ کانگریس کے ارکان ، ریاستی گونر ، اور مقامی افسران کا بھی انتظار کریں گے۔

اس کے علاوہ رائے دہندگان سو سے زیادہ اہم موضوعات کے لئے بھی ووٹ ڈالیں گے۔مثال کے طور پر کیلیفورنیا کے لوگ اس بارے میں ووٹ ڈالیں گے کہ آیا ان کی ریاستوں کو متنازعہ سٹیم سیل کی ریسرچ پر لاکھوں ڈالر خرچ کرنے چاہیں ۔