الجزیرہ ٹیلی ویژن سے نشر کیے جانے والے ایک پیغام میں ایمن الظواہری نے کہا ہے کہ وہ’صلیبی‘ حملہ آوروں کے خلاف آٹھ کھڑے ہوں۔

ایمن الظواہری نے کہا کہ اگر ’وہ‘ ہلاک ہو گئے یا پکڑے گئے تب بھی جہدوجہد جاری رکھی جائے۔

ایمن الظواہری نے امریکہ، برطانیہ کے علاوہ آسٹریلیا، فرانس، پولینڈ، ناروے، جنوبی کوریا اور جاپان کو بھی اسلامی ملکوں کا دشمن قرار دیا اور کہا کہ ان سب کے مفادات ایک ہیں۔

ایمن الظواہری نے کہا کہ ان ملکوں نے افغانستان، اور عراق پر حملے میں امریکہ کی مدد کی اور اسرائیل کو زندہ رکھنے میں بھی ان کا ہاتھ ہے۔

انہوں نے کہا کہ تمام مسلمانوں پر لازم ہے کہ وہ فلسطینی مسلمانوں کی مدد کریں۔

ایمن الظواہری کے بارے میں خیال کیا جاتا ہے کہ وہ اسامہ بن لادن کے نائب ہیں اور القاعدہ نظریے کے بھی بانی ہیں۔

ایمن الظواہری کی بیوی اور بچے ایک امریکی حملے میں ہلاک ہو چکے ہیں۔