بی بی سی کے ساتھ ایک انٹرویو میں کوفی عنان نے کہا کہ عراق کے خلاف جنگ اقوامِ متحدہ کے چارٹر کی خلاف ورزی تھی۔

انہوں نے کہا کہ عراق سے جنگ کرنے کے فیصلے کا حق یکطرفہ طور پر کسی ایک رکن ملک (امریکہ) کو نہیں بلکہ اقوامِ متحدہ کی سلامتی کونسل کو تھا۔

اقوامِ متحدہ کے جنرل سیکرٹری نے کہا کہ عراق پر یلغار کے بعد سے بین الاقوامی برادری نے دردناک سبق برداشت کیے ہیں اور وہ اس نتیجے پر پہنچے ہیں کہ اس قسم کے مسائل کا بہترین حل اقوامِ متحدہ ہی کہ ذریعے نکل سکتا ہے۔

جنوری میں عراق میں ہونے والے انتخابات پر بات کرتے ہوئے کوفی عنان نے کہا کہ اگر وہاں سکیورٹی کی صورتِ حال وہی رہی جو آج ہے تو قابلِ اعتماد انتخاب ہونا ممکن نہ ہوگا۔