فرانسیسی: آسمان سے کھجور تک | ||||||||||||||||||||||||||||||||||||||||
منگل کو گوانتانامو بے سے واپس پہنچنے والے چار فرانسیسییوں کو واپس آتے ہی ریمانڈ پر جیل بھیج دیا گیا ہے۔ گوانتاناموبے میں امریکی کیمپ جیل سے رہائی پانے والے افراد کو ریمانڈ حاصل کرنے کے لیے ایک مقامی جج کے سامنے پیش کیا گیا۔ جج نے ان کے مقامی وارنٹ جاری کر دیے۔ یہ چاروں افراد مسلمان ہیں اور شمالی افریقہ نژاد ہیں اور اب انہیں اس وقت تک جیل میں رہنا ہو گا جب تک یہ عدالتی تحقیقات مکمل نہیں ہو جاتیں کے آیا ان کے خلاف متشد اسلامی گروہوں سے تعلق کے الزام میں مقدمہ چلایا جا سکتا ہے یا نہیں۔ ان میں سے دو افراد پر پہلے ہی یہ الزام ہے کہ انہوں نے فرانس سے افغانستان جانے کے لیے جعلی پاسپورٹ استعمال کیا۔ ان کے وکلاء کا کہنا ہے کہ چاروں افراد کی جسمانی حالت بہتر ہے تاہم یہ نہیں کہا جا سکتا کہ گوانتاناموبے کے تجربات نے ان کی دماغی اور نفسیاتی صحت پر کیا اثرات مرتب کیے ہیں۔ |
| |||||||||||||||||||||||||||||||||||||||
| ||||||||||||||||||||||||||||||||||||||||