ڈاکٹر جونز نے ٹونی بلیئر کی ہٹن انکوئری کے سامنے بیان کو چیلنج کیا ہے

برطانوی انٹیلیجنس کے ایک اور اعلی اہلکار نے اپنا نام نہ ظاہر کرنے کی شرط پر بی بی سی پینوراما کو بتایا کہ برطانوی انٹیلیجنس کے ادارے ایم آئی سکس نے ہتھیاروں کے بارے میں اپنی ماہرانہ رائے جو وزیر اعظم ٹونی بلئیر کے دعوؤں کو سہارا مہیا کرتی تھی واپس لے لی تھی

خفیہ اداورں کے اعلی اہلکاورں نے کہا کہ وزیر اعظم ٹونی بلئیر کے وسیع تبایی پھیلانے والے ہتھیاروں سے متعلق بیانات ہتھیاروں کے ماہرین کی رائے سے بلکل مسابقت نہیں رکھتے تھے۔

انٹلیجنس کے دو اعلی افسران نے بی بی سی پینوراما پروگرام میں وزیر اعظم ٹونی بلئیر کے دعووں پر شکوک کا اظہار کیا ہے۔

ریٹائرڈ ڈیفنس انٹیلیجنس سٹاف ڈاکٹر برائن جونز نے بی بی سی کے پینوراما کو بتایا کہ وزیر اعظم ٹونی بلئیر کی طرف ہٹن انکوئری کے سامنے بیان کے بارے میں وہ’ ذہنی الجھاؤ‘ کا شکار ہیں۔

جان موریسن ، سابق ڈیپٹی چیف ڈیفنس انٹیلیجنس نے کہا کہ وزیر اعظم ٹونی بلئیر کےعراق کے پاس وسیع تباہی پھیلانے والے ہتھیاروں کے بارے میں دعووں پر وائٹ ہال میں سخت شکوک پائے جاتے تھے۔

انٹیلجنس کے دونوں اعلی افسران کے بیانات وزیر عظم ٹونی بلئیر کے عراق کے پاس وسیع پیمانے پر تباہی پھیلانے والے ہتھیاروں کے بارے میں کیے گئے دعووں سے متصادم ہیں جن میں ٹونی بلئیر نے کہا تھا کہ عراق کے ہتھیار برطانیہ کے لیے خطرہ ہیں۔

ڈاکٹر جونز نے کہا کہ وہ وزیر اعظم ٹونی بلئیر کے ہٹن انکوئری کے سامنے عراق کے ہتھیاروں کے بارے میں بیان کسی بھی طرح خفیہ ادارں کے پاس ہتھیاروں کے بارے میں موجود معلومات کے ساتھ مسابقت نہیں رکھتا تھا۔

ٹونی بلیئر نے ہٹنں انکوئری کو بتایا تھا کہ عراق کے پاس وسیع تباہی کے ہتھیاروں کی موجودگی کے بارے میں بہت زیادہ معلومات اور شہادتیں ان کو دکھائی جا رہی تھی

ڈاکٹر جونز نے بی بی سی پینوراما کو بتایا کہ ان کے سٹاف میں سے کسی نے بھی عراق کے پاس وسیع ہتھیاروں کے بارے میں بہت زیادہ انٹیلیجنس رپورٹیں نہیں دیکھی تھی جن کا ذکر وزیر اعظم ٹونی بلئیر نے ہٹن انکوئری کے سامنے کیا تھا۔

ڈاکٹر جونز نے کہا کہ اس کے سٹاف میں کسی کو بھی یہ نہیں پتہ تھا کہ عراق نے 1990 کی پہلی جنگ کے بعد کون کون سے مزید کیمیکل اور جراثیمی ہتھیار اکھٹے کیے گئے تھے۔

ڈاکٹر جونز نے کہا کہ ایک اندازہ تھا کہ عراق کی پہلی جنگ سے پہلے جمع شدہ ہتھیاروں کا کچھ حصہ شاید ابھی تک عراق کی حکومت نے سنبھال کر رکھا ہوا ہو۔

ڈاکٹر جونز نے بتایا کہ ان کے ادارے کو عراق کی پہلی جنگ کے بعد کسی بھی کمیاوی یا جراثیمی ہتھیار کی پیدوار کا کوئی علم نہیں تھا۔

ڈاکٹر جونز نے ہٹن انکوئری کو بتایا تھا کہ عراق پر ہتھیاروں کی دستاویز گمراہ کن تھی کیونکہ اس دستاویز پر ڈیفنس انٹیلیجنس سٹاف کی رائے کو مسترد کر دیا گیا تھا۔

ڈاکٹر موریسن نے پینوراما کو بتایا کہ جب ان کے عملے نے وزیر اعظم ٹونی بلئیر کو پارلیمنٹ کے سامنے یہ بیان دیتے ہوئے سنا کہ عراق کے پاس ہتھیار برطانیہ کے لیے خطرے کا سبب بن سکتے ہیں، تو اجتماعی ناپسندیدگی کی آہ نکلی تھی۔

ڈاکٹر موریسن کے مطابق وزیر اعظم کے بیانات ماہرین کی معلومات سے بہت زیادہ مختلف تھے۔