نیو یارک میں بات کرتے ہوئے کوفی عنان نے کہا کہ اس قرارداد میں توسیع سے اقوام متحدہ کی ساکھ متاثر ہوگی اور عراق میں قیدیوں کے ساتھ بد سلوکی کے واقعہ کی روشنی میں ایسا کرنا مایوس کن ہوگا۔

مذکورہ قرارداد دو سال قبل منظور کی گئی تھی جب امریکہ نے خدشہ ظاہر کیا تھا کہ بین الاقوامی جرائم کی عدالت سیاسی مقاصد کے لیے استعمال کی جا سکتی ہے۔ اس کا اطلاق ان تمام ممالک پر ہوتا ہے جنہوں نے عدالت کے قیام کی توثیق نہیں کی۔

امریکہ نے تازہ ترین قرارداد گزشتہ ماہ تیار کی تھی لیکن بعد میں اس پر
ووٹنگ مؤخر کر دی تھی۔

اقوام متحدہ میں بی بی سی کے نامہ نگار کا کہنا ہے کہ امریکہ کو قرارداد منظور کرانے کے لیے حمایت حاصل کرنے میں مشکل پیش آرہی ہے۔