ایک دھماکے سے کرد پارٹی کے صدر دفتر کو بہت زیادہ نقصان پہنچا ہے۔

کچھ دھماکوں کے بعد گولہ باری شروع ہوگئی اور نامہ نگاروں کا کہنا ہے کہ اس احاطے پر بھی ایک حملہ ہوا ہے جہاں امریکی فوجی انتہائی مضبوط حصار میں رہتے ہیں۔

بغداد میں ہونے والے دھماکوں میں ہلاک ہونے والے افراد کے بارے میں متضاد خبریں ملی ہیں۔ امریکی حکام کا کہنا ہے کہ تین افراد ہلاک ہوئے ہیں جب کہ عراقی حکام کے مطابق مرنے والوں کی تعداد کہیں زیادہ ہے۔

یہ دھماکے ایک ایسے وقت ہوئے ہیں جب عراق میں عبوری حکومت نے حلف اٹھا لیا ہے۔