 |  یہ تصویر امریکی یرغمالی نک برگ کی بتائی جاتی ہے |
اسلامی شدت پسندوں کی ایک ویب سائٹ پر عراق میں ایک مبینہ امریکی کا سرقلم ہونے کی تصاویر دکھائی گئی ہیں۔ ان تصاویر کے بارے میں کہا گیا ہے کہ یہ ویڈیو سے بنائی گئی ہیں۔ دریں اثنا امریکی انتظامیہ نے کہا ہے کہ وہ نک برگ بتائے جانے والے اس امریکی یرغمالی کا سرقلم کیے جانے کے موقع پر موجود قاتلوں کو گرفتار کر کے رہے گی۔ ایک عربی ویب سائٹ پر سر قلم کیے جانے کی یہ تصویر دکھائے جانے کے بعد امریکہ میں شدید حقارت پائی جاتی ہے۔ جس ویب سائٹ پر یہ تصاویر دکھائی گئی ہیں وہ ان بہت ساری ویب سائٹوں میں سے ایک ہے جو گزشتہ چند سال کے دوران سامنے آئی ہیں اور جن کا مقصد شدت پسند مسلمانوں کے مغرب مخالف پیغامات جاری کرنا ہے۔ ان میں سے اکثر پیغامات کا تعلق القاعدہ کا قرار دیا جاتا ہے اگرچہ اب تک کوئی ایسا طریقہسامنے نہیں آ سکا ہے جس کے ذریعے ان دعووں کی تصدیق کی جا سکے۔ کچھ مبصرین کا کہنا ہے کہ سائبر سپیس اس نوع کی تنظیموں کے درمیان رابطوں کا نیا مقام بن گئی ہے۔ خاص طور پر افغانستان سے القاعدہ کے رہنماؤں کے نکالے جانے کے بعد انٹرنیٹ ان تنظیموں کے لیے بتدریج اہم سے اہم تر ہوتا جا رہا ہے کیونکہ اسی کے ذریعے ایسی تنظیمیں ایک دوسرے سے اور اپنے حامیوں سے رابطے کرتی ہیں۔ |  ال انصار کی ویب سائٹ جس پر امریکی کے سر قلم ہونے کی تصاویر جاری کی گئیں |
اس وقت ایسی شدت پسند مسلمان اور جہادی ویب سائٹوں کی تعداد ہزاروں میں ہے جو مختلف زبانوں میں ایسے پیغامات جاری کرتی ہیں جن کی اکثریت امریکہ اور اس کے اتحادیوں کے خلاف غصے بھرےنعروں پر مشتمل ہوتی ہے۔
گیارہ ستمبر کے واقعات کے بعد سے خفیہ اداروں کے ماہرین ایسی ویب سائٹوں کا انتہائی قریبی جائزہ لیتے رہتے ہیں کیونکہ القاعدہ کے اکثر پیغامات انہی کے ذریعے وسیع تر دنیا تک رسائی حاصل کرتے رہے ہیں۔ | 
یہ صفحہ دوست کو ای میل کیجیئے
پرِنٹ کریں
