 |  عراقی عوام کا امریکی دستے کی واپسی پر اظہارِ مسرت |
نئے عراقی فوجیوں نے فلوجہ میں گشت شروع کر دی ہے۔ اس کے علاوہ امریکی بحری افواج نے حفاظتی ذمہ داری عراقیوں کے سپرد کرنا شروع کر دی ہے۔ فلوجہ کے حفاظتی دستے، جن میں ایک سابق صدر صدام حسین کے سابق جنرل اور بقیہ سابق عراقی افواج پر مشتمل دستے تقریباً ایک ہزار تک پہنچ جائیں گے۔ امریکی فوج کا کہنا ہےکہ وہ فلوجہ میں اس وقت تک قیام کریں گے جب تک عراقی فوج اس بات کا ثبوت نہیں دے دیتی کہ وہ علاقے پر مکمل کنٹرول قائم رکھ سکتی ہے۔ اس کے علاوہ پانچ لوگوں کی ہلاکتیں فوجی حملوں کے نتیجے میں واقع ہوئی ہیں۔ امریکی ملٹری حکام کا کہنا ہےکہ دو امریکی ملاح فلوجہ میں شامل ضلع انبار میں ہلاک ہوئے ہیں۔ اس کے علاوہ شمال میں موصل اور اس کے اطراف میں دو مختلف حملوں کے نتیجے میں ایک امریکی فوجی اور دو غیر ملکی حفاظتی اہلکار ہلاک ہوئے ہیں۔ یہ ہلاکتیں ٹھیک ایک سال بعد ہوئی ہیں جب صدر بش نے کہا تھا کہ آپریشن سے متعلق بڑی جنگ ختم ہو چکی ہے۔ اس کے بعد شروعات کے مقابلے میں اب تک تقریباً پانچ سو چالیس دستے ہلاک ہو چکے ہیں۔ | 
یہ صفحہ دوست کو ای میل کیجیئے
پرِنٹ کریں
