رابرٹ سٹیورٹ کے کمرے میں امریکی نسل پرست تنظیم کو کلس کلان کے نشان بنے ہوئے تھے۔

زاہد مبارک کے اہلِ خانہ نے چار سال تک اس معاملے پر مہم چلائی کہ زاہد مبارک کو ایک جانے پہچانے نسل پرست کے ساتھ کیوں رکھا گیا ۔

نسلی مساوات سے متعلق کمیشن کی تحقیقات میں کہا گیا ہے کہ اگر زاہد سفید فام ہوتا تو یوں قتل نہ ہوتا اور جیل حکام نے یہ تسلیم کیا کہ وہ اسے بچانے میں ناکام رہے۔

گزشتہ برس برطانوی عدلیہ کے اراکان نے وزارتِ داخلہ سے اپیل کی تھی کہ اس معاملے کی تحقیقات کرائی جائے۔ جمعرات کو وزارتِ داخلہ اس تحقیقات کا سرکاری طور پر اعلان کرے گا اور اس کے بارے میں قوائدو ضوابط وضع کرے گا۔

اس تحقیقاتی کمیشن کی سربراہی ہائی کورٹ کے ایک جج کو سونپی گئی ہے۔

زاہد کے اہلِ خانہ اور ان کے قانونی مشیر اس کیس کا موازنہ اسٹیون لارنس کے قتل سے کر رہے ہیں ان کا کہنا ہے کہ اس واقعہ کی مکمل تحقیقات جیل حکام کے لئے تنبہیہ کا باعث ہوگی۔

رابرٹ اسٹیورٹ کو ایک انیس سال کے لڑکے کو میز کے پائے سے مار مار کر ہلاک کرنے پر اکتوبر 2001 میں عمر قید کی سزا دی گئی تھی جس کے ایک روز بعد زاہد کو رہا ہونا تھا ۔

مقدمے کی سماعت کے دوران یہ انکشاف ہوا کہ اسٹیورٹ کاذہنی توازن ٹھیک نہیں تھااور اس کے کمرے میں امریکی نسل پرست تنظیم کو کلس کلان کے نشان بنے ہوئے تھے۔