دونوں اضلاع کے کئی دیہات طوفان سے متاثر ہوئے ہیں۔ تیز ہوائیں اور بارشیں کمزور مکانات کو اڑا لے گئیں جس سے ہزاروں افراد بے گھر ہو گئے ہیں۔

اطلاعات کے مطابق بہت بڑی تعداد میں لوگ گھر تباہ ہونے کے بعد کُھلے آسمان تلے رات گزار رہے ہیں۔

سینکڑوں زخمیوں کا مختلف ہسپتالوں میں علاج ہو رہا ہے اور حکام کا کہنا ہے طوفان سے متاثرہ افراد کی تعداد بڑھ سکتی ہے۔

ڈاکٹروں کا کہنا ہے کہ ہسپتالوں میں طوفان کے متاثرین کی آمد کا سلسلہ جاری ہے اور ان میں زیادہ تر افراد کے ٹانگ یا بازو ٹوٹ چکے ہیں یا ان کے ان کے جسم پر گہرے گھاؤ ہیں۔

ہنگامی صورتحال سے نمٹنے کے لئے ڈھاکہ سے اضافی ڈاکٹر، نرسیں اور ادویات منگوائی گئی ہیں۔