یہ ووٹر 20 اپریل کو پانچ روزہ ووٹنگ کے پہلے دن قومی اسمبلی کے 141 نمائندگان منتخب کریں گے۔

ووٹنگ 10 مئی کو ختم ہو گی اور ووٹوں کی گنتی 13 مئی کو شروع ہو گی۔ اسی دن ہی نتائج نکل آئیں گے۔

ان انتخابات میں وزیرِ اعظم اٹل بہاری واجپئی کی بھارتیہ جنتا پارٹی اور اتحادی جماعتیں تیسری مرتبہ کامیابی حاصل کرنے کی کوشش کر رہی ہیں۔

ووٹنگ کو اس لئے حصوں میں تقسیم کیا گیا ہے کہ سکیورٹی فورسز کو حساس علاقوں میں تعینات کیا جا سکے۔

20 اپریل کو انڈیا کی کل 28 میں سے 15 ریاستوں میں ووٹنگ ہو گی۔ ان ریاستوں میں گجرات، بہار، مہاراشٹرا، آندھرا پردیش، کرناٹکا اور جموں اور کشمیر شامل ہیں۔

نائب وزیرِ اعظم ایل کے اڈوانی اور وزیرِ دفاع جارج فرنینڈس بھی ان میں سے ہیں جو پہلے مرحلے میں دوبارہ منتخب ہونے کی کوشش کریں گے۔

اڈوانی ریاست گجرات کے علاقے گاندھی نگر سے الیکشن لڑیں گے جبکہ فرنینڈس بہار کے علاقے نالندا سے حصہ لیں گے۔

انڈیا دنیا کی سب سے بڑی جمہوریت ہے جس میں کروڑوں ووٹر پارلیمان کے 543 نمائندگان کو منتخب کریں گے۔