لوگوں کا یہ بھی کہنا ہے کہ ملک میں سکیورٹی کا نامناسب انتظام عوام کے لئے سب سے بڑا مسئلہ ہے

یہ جائزہ صدر بش اور وزیر اعظم ٹونی بلیئر کے لئے خوش آئند ثابت ہوسکتا ہے۔

یہ جائزہ بی بی سی کی طرف سے کمیشن کیا گیا تھا اور اس میں پچیس سو افراد کی آراء شامل ہیں۔

اس رپورٹ میں کہا گیا ہے کہ عراق میں قابض افواج پر روزانہ جو حملے کئے جارہے ہیں اس کی کوئی اور وجہ ہے۔

رائے عامہ کے اس جائزے میں عام عراقیوں کی اصل زندگی کی جھلک دکھائی گئی ہے جن کے لئے سب سے بڑا مسئلہ دو وقت کی روٹی حاصل کرنے کا ہے۔

ستر فیصد نے کہا کہ زندگی کا معمول ٹھیک چل رہا ہے جبکہ صرف انتیس فیصد کا خیال تھا کہ حالات میں بگاڑ پیدا ہوا ہے۔

ستر فیصد نے کہا کہ زندگی کا معمول ٹھیک چل رہا ہے

چھپن فیصد افراد نے کہا کہ حالات پہلے کی نسبت بہتر ہوئے ہیں۔ انچاس فیصد افراد کا کہنا ہے کہ عراق پر امریکی قیادت میں عالمی افواج کا قبضہ درست تھا جبکہ اکتالیس فیصد کہتے ہیں کہ یہ قبضہ عراق کی تحقیر کا باعث بنا۔

تین چوتھائی سے زیادہ افراد چاہتے ہیں کہ عراق متحد رہے اور بیس فیصد کہتے ہیں کہ عراق کو ایک اسلامی ریاست بنانا چاہئے۔

لندن کے برنک کالج کے ایک سکیورٹی ماہر ڈان پلیش کا خیال ہے کہ یہ سروے قابض افواج کے لئے خوش آئند ہے۔ انہوں نے کہا ’اس سے ظاہر ہوتا ہے کہ عوام متحدہ عراق کے حق میں ہیں اور وہ ایک مضبوط رہنما کی قیادت چاہتے ہیں‘۔

تاہم عراقی پولیس ملک میں امن و امان قائم کرنے کی جدوجہد میں ہے۔ لوگوں کا یہ بھی کہنا ہے کہ ملک میں سکیورٹی کا نامناسب انتظام عوام کے لئے سب سے بڑا مسئلہ ہے۔

صرف ایک تہائی افراد ملک میں بجلی کی فراہمی کے نظام سے مطمئن ہیں۔

امریکیوں کو جون میں انتقال اقتدار کے لئے جو سب سے بڑا مسئلہ درپیش ہے وہ یہ ہے کہ جن لوگوں کے ہاتھوں میں وہ اقتدار کی باگ ڈور تھمانا چاہتے ہیں وہ عوام میں غیر مقبول ہیں۔