 |  بھارت کا شری ہری کوٹہ خلائی مرکزن جہاں راکٹ تیار کیے آزمائے جاتے ہیں |
بھارت کے ہری کوٹہ راکٹ مرکز میں آتشزدگی سے چھ افراد ہلاک اور تین شدید زخمی ہوئے ہیں۔ ابھی تک آگ لگنے کی حتمی وجہ نہیں بتائی گئی تاہم ذرائع اس بارے میں مختلف سبب بیان کر رہے ہی۔ حیدر آباد سے بی بی سی کے نامہ نگار عمر فاروق کا کہنا ہے کہ آگ سوموار کو مرکز کے اس حصے میں لگی جو ٹھوس ایندھن کے لیے مخصوص ہے۔ ہمارے نامہ نگار کے مطابق مرکز کے اس حصے میں وہ موٹریں بھی تیار کی جاتی ہیں جو راکٹوں میں استعمال ہوتی ہیں۔ بتایا گیا ہے کہ ہلاک ہونے والے تمام افراد مرکز کے اسی حصے میں کام کرتے تھے اور وہ موقع پر ہی ہلاک ہوئے۔ شدید زخمی ہونے والے تینوں افراد کو چنئی کے طبی مرکزممنتقل کر دیا گیا ہے۔ شری ہری کوٹہ اسپیس سینٹر آندھرا پردیش کی سرحد پر خلیج بنگال کے ایک چھوٹے سے جزیرے پر قائم ہے۔ | 
یہ صفحہ دوست کو ای میل کیجیئے
پرِنٹ کریں
