تحریر: عِصمت جبین اسلام آباد

پیٹریاٹ گروپ کی حمایت حکومت کے لئے اہم ہے

اس بات کا اعلان پیپلزپارٹی کے مرحوم لیڈر حیات خان شیر پاو کی اُنتسویں برسی کے موقع پر اُن کے چھوٹے بھائی اور صوبہ سرحد کے سابق وزیر اعلیٰ آفتاب شیر پاؤ نے جو موجودہ حکومت میں پانی اور بجلی کے وفاقی وزیر بھی ہیں چار سدہ میں ایک جلسہ عام میں کیا۔

اس موقع پر پیٹریاٹ گروپ کے سینئیر لیڈر اور دفاع کے وفاقی وزیر راؤ سکندر اقبال بھی موجود تھے جنہوں نے اس بات کی تصدیق کی .

انضمام کے نتیجے میں بننے والی پارٹی کا نام پاکستان پیپلزپارٹی ’پی پی پی‘ رکھا جائے گااور اسے الیکشن کمیشن میں رجسٹر کروایا جائےگا اور نئی پارٹی کے لئے تلوار کا نشان حاصل کیا جائے گا۔

یاد رہے کہ پاکستان پیپلزپارٹی ذوالفقار علی بھٹو نے انیس سو ساٹھ کی دہائی میں بنائی تھی۔ اس نئی پارٹی میں آفتاب شیر پاؤ کے بھائی حیات شیر پاؤ اور راؤ سکندر دونوں شامل تھے اور اس پارٹی کاانتخابی نشان بھی تلوار تھا۔

ذوالفقار علی بھٹو کی پھانسی کے بعد جنرل ضیاء الحق کے دور میں ہی پی پی پی کے دھڑے بننا شروع ہوگئے تھے۔

بینظیر بھٹو کے نکالے ہوئے ’انکلوں‘ میں سے پہلا دھڑا یعنی نیشنل پیپلزپارٹی غلام مصطفی جتوئی نے بنایا اور دوسرا دھڑا یعنی پروگریسوپیپلزپارٹی مولانا کوثر نیازی نے بنایا۔

اس کے بعد پیپلزپارٹی شہید بھٹو گروپ بینظیر کے اپنے ہی بھائی مرتضی بھٹو نے بنایا جوکہ اب ان کی بیوہ غنوہ بھٹو چلاتی ہیں۔

سن دو ہزار دو کے عام انتخابات میں نئے انتخابی قوانین کی روشنی میں بینظیر بھٹو پر پابندی کے باعث پارٹی نے فیصلہ کیا کہ پی پی پی نئے نام یعنی پاکستان پیپلزپارٹی پارلیمنٹرینز(پی پی پی پی) کے ساتھ انتخابات میں حصہ لے گی۔

انتخابات کے بعد حالات نے نیا رُخ اختیار کیا اور پرویز مشرف کا حمایتی دھڑا وجود میں آیا جس کانام پاکستان پیپلزپارٹی پارلیمنٹرینز پیٹریاٹ یعنی پی پی پی پی پی رکھا گیا جس میں بیس کے لگ بھگ ارکان شامل ہیں۔ اس دھڑے کی حمایت حکومت کے لئے اہم ہے۔