ایرانی طیارہ کیش سے آرہا تھا

یہ طیارہ ایران کے شہر کیِش سے مقامی وقت کے مطابق صبح گیارہ بجے شارجہ ائرپورٹ پر اترنے کے دوران گر کر تباہ ہوگیا۔ مقامی میڈیا کے مطابق دو افراد حادثے میں بچ گئے ہیں۔

ایرانی طیاروں کی تباہی کی تاریخ فروری 2003: فوجی ٹرانسپورٹ طیارہ جنوبی ایران میں گر کر تباہ 302 افراد ہلاک، دسمبر 2002: وسطی ایران میں A-140 طیارہ گر کر تباہ خلائی ماہرین سمیت 46 افراد ہلاک، فروری 2002:ایران ائیر کا Tu-154 مغربی ایران میں پہاڑیوں سے ٹکرا کر تباہ 117 افراد ہلاک، مارچ 1997: ملک کے شمال مغرب میں فوجی طیارہ گر کر تباہ 80 ہلاک، فروری 1993: تہران کے قریب Tu-154 ایک دوسرے فوجی طیارے سے ٹکرا کر تباہ 132 ہلاک۔

پولیس کے مطابق طیارے پر پینتیس افراد سوار تھے جبکہ شارجہ ٹیلی وژن کا کہنا ہے کہ جہاز پر ساٹھ افراد تھے۔

امدادی کاروائیاں شروع کر دی گئی ہیں اور ہیلی کاپٹرز اور ایمبولینسز ضروری سامان لے کر حادثے کے مقام پر پہنچ گئی ہیں۔

ایران کا شہر کیِش سیاحت کے لئے مشہور ہے لیکن متحدہ عرب امارات میں کام کرنے والے مزدور ایران سے امارات داخل ہونے کے لئے بھی استعمال کرتے ہیں۔