ہم جنس پرست جوڑا

یہ فیصلہ عدالت کے اس فیصلے کی تایید کرتا ہے جس میں کہا گیا تھا کہ ہم جنس پرستوں کو با قاعدہ شادی کرنے کا قانونی حق حاصل ہے۔

یہ وہ فیصلہ تھا جس کی وجہ سے امریکہ میں اس مسئلے پر شدید تنازعہ پیدا ہو گیا جس کے بعد وہائٹ ہاوس کو یہ وعدہ کرنا پڑا کہ شادی کے تقدس کی حفاظت کی جائے گی۔

نیو یارک میں بی بی سی کے نامہ نگار جین ستینلے نے کہا کہ میساچیوسٹ سپریم کورٹ کا فیصلہ انتہائی اہمیت کا حامل ہے اور ایسے وقت میں سنایا گیا ہے جب امریکہ اور اسکے ہمسایہ ملک کینیڈا میں ہم جنسوں کے حقوق کو قانونی طور پر زیادہ سے زیادہ تسلیم کیا گیا ہے۔

ایک روز قبل ہی ریاست اوہایو میں قانون ساز اسمبلی نے ریاست میں ہم جنسوں کے ملاپ پر پابندیوں کا قانون منظور کیا ہے اور اس کے نتیجے میں اوہایو امریکہ ایسی اڑتیسویں ریاست بن گیا ہے جہاں ہم جنسوں کے ملاپ پر پابندی ہے۔

میسا چیوسٹ سپریم کورٹ نے یہ فیصلہ ریاستی سینیٹ کی اس درخواست پر دیا ہے جس میں پوچھا گیا تھا کہ وہ ان ہم جنس پرست جوڑوں کے سلسلے میں اپنی قانونی ذمہ داریاں کس طرح پوری کر سکتی ہے جو شادی کرنا چاہتے ہیں۔

گزستہ نومبر میں عدالت نے جو فیصلہ دیا تھا اسکے الفاظ مبہم تھے

اور اس کے سات ہم جنس جوڑوں کو شادی کا لائسنس نہیں دیا گیا تھا۔

یاہم اب یہ واضح ہو گیا کہ ملاپ اور شادی کا مطلب شادی ہے اور ریاستی قانون ساز اسمبلی اس قانون کو تبدیل کر کے اسے حقیقت میں بدل سکتی ہے۔

تجزیہ نگاروں کا خیال ہے کہ پہلے ہم جنس پرست جوڑے کی شادی مئی تک ممکن ہو سکتی ہے۔

اس سلسلے میں آنے والے پہلے فیصلے کی صدر بش نے فوری طور پر نکتہ چینی کی تھی۔