کربلا حملے میں تیرہ زخمی  | | گزشتہ ماہ کربلا میں اتحادی افواج کے اڈے پر خودکش بمباروں کے حملے سے انیس افراد ہلاک ہوئے تھے | |
اطلاعات ہیں کہ عراقی شہر کربلا میں ایک بم حملے میں کم از کم تیرہ افراد زخمی ہوئے ہیں۔ عینی شاہدین کا کہنا ہے کہ دھماکہ سڑک پر رکھے گئے ایک پیکٹ میں موجود بم پھٹنے سے ہوا۔ یہ دھماکہ کربلا کے ایک مصروف علاقے میں اتوار کے روز ہوا ہے۔ جاء وقوعہ حضرت عباس کے مزار سے صرف دو کلومیٹر دور واقع ہے۔ یہ مسلمانوں کے لئے مقدس مقام ہے اور بڑی تعداد میں معتقدین یہاں حاضری دینے آتے ہیں۔ اطلاعات یہ بھی ہیں کہ زخمیوں کو کربلا ہسپتال میں داخل کروادیا گیا ہے جبکہ ایک کی حالت نازک بتائی جارہی ہے۔ عراق کی شیعہ برادری کے خلاف حملوں کے سلسلے کا یہ تازہ ترین واقعہ ہے۔ اس ماہ کے آغاز میں عراقی شہر بعقوبہ میں ایک شیعہ مسجد پر حملے کے نتیجے میں پانچ افراد ہلاک جبکہ درجنوں زخمی ہوگئے تھے۔ گزشتہ ماہ کربلا میں اتحادی افواج کے اڈوں پر خودکش بمباروں کے حملے سے انیس افراد ہلاک ہوئے تھے جن میں بلغاریہ کے پانچ فوجی بھی شامل تھے۔ | 
یہ صفحہ دوست کو ای میل کیجیئے
پرِنٹ کریں
