یہ صفحہ دوست کو ای میل کیجیئے		پرِنٹ کریں

عراق میں بظاہر دو امریکی جہازوں کو نشانہ بنایا گیا ہے جن میں نو افراد ہلاک ہوگئے ہیں۔

یہ اموات اس وقت ہوئیں جب امریکی فوجی ہیلی کاپٹر بلیک ہاک فالوجہ کے نزدیک تباہ ہوگیا اور اس میں سوار نو افرا ہلاک ہوگئے۔

بعد میں ایک بڑا سی-پانچ طیارہ جو بغداد سے کچھ فاصلے پر محو پرواز اس کے انجن میں اچانک خرابی پیدا ہوگئی اور اسے بغداد واپس ہونا پڑا۔ اس واقعہ کے بارے میں یہ کہا گیا ہے کہ سامان بردار جہاز کی واپسی در اصل اچانگ ہنگامی حالت کی وجہ سے ہوئی۔

تاہم ایسی اطلاعات بھی ہیں کہ اس سامان بردار جہاز پر زمین سے حملہ کیا گیا۔ تاہم اس جہاز میں بیٹھے ہوئے تریسٹھ مسافروں کو کوئی زک نہیں پہنچی۔

اطلاعات کےمطابق فوجی ہیلی کاپٹر کو راکٹ سے نشانہ بنایا گیا۔

دریں اثناء امریکی فوج نے ان اطلاعات کی تحقیق شروع کر دی ہے کہ کیا واقعی سامان برادار طیارے پر زمین سے فائرنگ کی گئی تھی جس کی وجہ سے اس انجن ناکارہ ہوا اور اسے لوٹنا پڑا۔

ایک بیان میں امریکہ کی موبیلٹی کمانڈ کی طرف سے کہا گیا ہے کہ یہ ابھی معلوم نہیں ہو سکا کہ سامان بردار طیارے پر کس قسم کے ہتھیار سے فائرنگ کی گئی تھی۔

سی پانچ سامان برادار طیارہ دنیا میں سب سے بڑا سمجھا جاتا ہے۔

پینٹاگون میں ایک اہلکار نے کہا کہ غالباً اس طیارے کو زمین سے فضا میں مار کرنے والے میزائل سے نشانہ بنانے کی کوشش کی گئی۔