یہ صفحہ دوست کو ای میل کیجیئے		پرِنٹ کریں

رفعت جاوید بی بی سی اردو ڈاٹ کام

جنون کو ہندوستان میں پرفارم کرنے کی دعوت

برصغیر کے مشہور اردو پاپ گروپ جنون کو اس ماہ ہندوستانی شہر ممبئی میں ایم ٹی وی ایوارڈز میں شرکت کے لئے مدعو کیا گیا ہے۔

بی بی سی اردو ڈاٹ کام کے ساتھ ایک حضوصی انٹرویو میں جنون کے روح رواں سلمان احمد نے کہا کہ انہیں امید ہے گروپ کے اس دورے سے انہیں ہندوستانی سامعین کے ساتھ پرانی دوستی کو تازہ کرنے میں مدد ملے گی۔

انہں نے کہا،

’بدقسمتی سے پچھلے چند سالوں میں ہمیں انڈیا جا کر پرفارم کرنے کا موقع نہیں ملا۔ لیکن اب حالات بدل رہے ہیں اور جنون وہ واحد پاکستانی بینڈ ہے جسے اس ایوارڈ کی تقریب میں شرکت کے لئے مدعو کیا گیا ہے۔‘

اپنی نئی البم دیوار کے بارے میں سلمان نے کہا کہ اسے پاکستان میں میوزک کے دلدادہ افراد نے بے حد سراہا ہے اور بقول ان کے اس وقت یہ نمبر ون پوزیشن پر ہے۔

دیوار میں کل بارہ نغمے ہیں جن میں ایک نغمہ غالب کی ایک مشہور غزل پر مبنی ہے۔

گزشتہ سال پاکستان میں عام انتخابات کے دوران عمران خان کی تحریک انصاف کے حق میں انتخابی مہم میں حصہ لینے کے اپنے فیصلے کو سلمان نے حق بجانب ٹہرایا۔

انہوں نے کہا،

’یہ تو پوری دنیا میں ہوتا ہے۔ میں نے ہمیشہ ہی یہ کہا کہ عمران ایک سچے پاکستانی ہیں اور انہوں نے بدعنوانی کے خلاف ہمیشہ آواز بلند کی ہے۔

’امریکہ میں بھی انتخابی مہم کے دوران جان کیری، ہاورڈ ڈین اور جان بون جو وی جیسے فن کاروں نے ڈیمبکریٹ پارٹی کے حق میں فنڈ جمع کیا۔ تو کیا وہ بھی اس پارٹی سے منسلک ہو گئے۔ ایک آرٹسٹ کسی پارٹی سے منسلک نہیں ہو سکتا۔‘