یہ صفحہ دوست کو ای میل کیجیئے		پرِنٹ کریں

پرکاش سنگھ بادل کی آمدنی کم اور اثاثے زیادہ ہیں: سرکاری موًقف

بھارتی ریاست پنجاب کے تحقیقاتی ادارے نے شرومنی اکالی دل کے صدر اور ریاست کے سابق وزیرِ اعلیٰ پرکاش سنگھ بادل، انکی اہلیہ سریندر کور بادل اور بیٹے سُکھبیر سنگھ بادل کی املاک کو چار ماہ تک زیرِ تفتیش رکھنے کے بعد اب ان تمام افراد کے خلاف اس الزام پر مقدمّہ درج کرا دیا ہے کہ انکے اثاثے معلوم ذرائعِ آمدنی سے زیادہ ہیں۔

حکّام نے بادل خاندان سے قریبی تعلق رکھنے والے مزید تین افراد کو بھی شاملِ تفتیش کر رکھا ہے۔

یہ مقدمات اگرچہ تعزیراتِ ہند کی مختلف دفعات کے تحت قائم کئے گئے ہیں لیکن ان میں انسدادِ بد عنوانی کے خصوصی قانون کی مدد بھی لی گئی ہے۔

استغاثہ کے مطابق اندرونِ بھارت بادل خاندان کے اثاثوں کی مالیّت پانچ سو کروڑ روپےسے زیادہ ہے جبکہ بیرونِ ملک اثاثوں کی مالیّت ساڑھے آٹھ سو ملین ڈالر بتائی گئی ہے۔