یہ صفحہ دوست کو ای میل کیجیئے		پرِنٹ کریں

یہ آثار ہوا میں پائے گئے ہیں

امریکی محکمہ ڈاک کے ایک دفتر میں ایسے مادے کے آثار پائے گئے ہیں جوکہ بظاہر اینتھریکس سے مشابہہ ہے۔ دفتر کو اس مادے کے ٹیسٹ کے نتائج آنے تک کے لئے بند کردیا گیا ہے۔

امریکہ کے ڈیپارٹمنٹ فار ہوم لینڈ سیکورٹی کے ترجمان کے مطابق یہ مشتبہ مواد امریکی محکمہ ڈاک کے نیوی کے دفتر میں پایا گیا ہے۔ یہ وہ دفتر ہے جو حکومتی ایجنسیوں اور وائٹ ہاؤس کی ڈاک لانے اور لے جانے کا ذمہ دار ہے۔

اس مادہ کے آثار دفتر کے معمول کے ٹیسٹ کے دوران بدھ کے روز سامنے آئے تھے تاہم دفتر بند کرنے کا فیصلہ جمعرات کی شام عمل میں آیا۔

واشنگٹن میں مزید گیارہ ڈاک دفاتر بھی اینتھریکس ٹیسٹ کے لئے بند کردئے گئے ہیں۔ ابھی تک خیال یہی ہے کہ محکمہ کا کوئی اہلکار اس مادے کی زد میں نہیں آیا ہے۔

دو برس قبل امریکہ میں اینتھریکس کے حملوں میں پانچ افراد ہلاک ہوگئے تھے۔ ابتدائی طور پر ان حملوں کو عراق سے منسوب کیا گیا تھا تاہم بعد میں ان اطلاعات کی تردید کردی گئی۔