یہ صفحہ دوست کو ای میل کیجیئے		پرِنٹ کریں

عزت بیگووچ کی عمر بہتر سال تھی

بوسنیا کے سابق صدر عزت بیگووچ کا انتقال ہو گیا ہے۔ ان کی عمر بہتر سال تھی۔

انہوں نے انیس سو نوے کے عشرے میں بوسنیا کی خانہ جنگی میں کلیدی کردار ادا کیا تھا اور وہ ملک میں کثیر نسلی حکومت کے قیام کے زبردست حامی تھے۔

یوگوسلاویا میں ٹیٹو کی سربراہی میں کمیونسٹ حکومت کے دوران عزت بیگووچ کو مسلم قوم پرست گروہ سے وابستہ ہونے کی وجہ سے جیل کی سزا بھی کاٹنا پڑی تھی۔

تاہم انیس سو پچاسی میں وہ بوسنیا کے صدر منتخب ہوئے۔

صدر بننے کے بعد عزت بیگووچ کی حکومت کو سربیائی فوج کے محاصرے کا سامنا کرنا پڑا۔بعد ازاں وہ امریکہ کی ثالثی میں طے ہونے والے امن معاہدے پر رضامند ہو گئے جس کے تحت بوسنیا ہرزیگووینا کو ایک سربیائی جمہوریہ اور مسلم اور کروشیائی وفاق میں تبدیل کر دیا گیا۔

جنگ کے خاتمے کے بعد عزت بیگووچ مسلم نشست پر بوسنیا کے صدر منتخب ہوئے۔ لیکن خرابئ صحت کی وجہ انہیں اس عہدے سے دستبردار ہونا پڑا۔+