یہ صفحہ دوست کو ای میل کیجیئے		پرِنٹ کریں

یاہو دنیا کی مقبول ترین سائٹ

انٹر نیٹ کے دیو ’یاہو‘ نے اس سال جولائی سے ستمبر تک کی سہ ماہی میں چھ کروڑ پچاس لاکھ ڈالر کا منافع کمایا ہے جو کہ گزشتہ سال اسی سہ ماہی میں کمائے گئے منافع سے دگنا ہے۔

یہ اضافہ جس نے تمام تجزیہ نگاروں کے اندازوں کو غلط ثابت کر دیا ہے یاہو نے اپنی سروس پر فیس عائد کرنے کی حکمت عملی سے کمایا ہے۔

یاہو کے حکام کا کہنا ہے کہ یہ اضافے بہتر اشتہاری مہم اور سروس پر فیس عائد کرنے کے فیصلے کی وجہ سے ہوا ہے۔

انہوں نے کہا کہ اشتہاری مہم سے چوبیس کروڑ ڈالر کی کمائی ہوئی جو کہ گزشتہ سال کے ان ہی مہینوں کے مقابلے میں اڑتالیس فیصد زیادہ ہے۔

یاہو کی مالیاتی امور سے متعلق ایک عہدےدار سوزن ڈیکر نے کہا کہ یاہو نے یہ کامیابی نئےصارف تلاش کر کے حاصل کی ہے۔

انہون نے کہا کہ یاہو کو استعمال کرنے والوں میں دنیا بھر کے کروڑوں لوگ شامل ہیں۔

یاہو کے منتظمِ اعلیٰ ٹیری سیمل جنھیں ڈاٹ کام کے سن دو ہزار کے بحران کے بعد کمپنی کو دوبارہ منافع بخش بنانے کے لیے لایا گیا تھا کمپنی کے مستقبل کے بارے میں بہت پر امید تھے۔

انہوں نے کہا اس سہ ماہی میں ہمارا بزنس بہتر اور مضبوط ہوا ہے اور آئندہ یہ مزید بہتر ہو گا۔

انہوں نے کہا کہ ہم اپنے منافع سے فائدہ اٹھاتے ہوئے اپنے مستقبل کے اہداف کو حاصل کرنے کی کوشش کریں گے۔