یہ صفحہ دوست کو ای میل کیجیئے		پرِنٹ کریں

کنڈولیزا رائس عراق کی تعمیر نو کے قائم نئے گروپ کی سربراہ ہوں گی

صدربش نے قومی سلامتی کے لئے مشیر کنڈولیزا رائس کو عراق میں تعمیر نو کی امریکی کوششوں کی نگرانی کے لئے قائم نئی ٹاسک فورس کا سربراہ مقرر کیا ہے۔

صدر بش کا کہنا ہے کہ نئی ٹاسک فورس عراق میں تعمیرنو کے کام میں مختلف اداروں کی کوششوں کو مربوط بنائیں گی۔

نامہ نگاروں کا کہنا ہے کہ اس اقدام کا سب سے بڑا مقصد افسر شاہی کی مداخلت کم سے کم کر کےتعمیر نو کے کام میں تیزی لاناہے۔

تاہم اس سے وزیر دفاع ڈونلڈ رمز فیلڈ کے مجموعی اختیارات میں کمی نہیں ہوگی۔

صدر بش نے یہ اعلان ایسے وقت کیا ہے جب امریکی کانگریس عراق میں تعمیر نو کے کاموں پر خرچ کرنے کے لئے ستاسی ملین ڈالر کے پیکیج کی منظوری کی خاطر صدر کی درخواست پر غور کر رہی ہے۔

واشنگٹن سے بی بی سی کے نامہ نگار کے مطابق اس اقدام کا مقصد کانگریس کو یہ یقین دلانا ہے کہ وائٹ ہاؤس کی اعلیٰ اہلکار تمام اخراجات کی ذمہ دار ہونگی۔