یہ صفحہ دوست کو ای میل کیجیئے		پرِنٹ کریں

امریکہ نے عراق سے دس ہزار فوجی عراق بھیجنے کی درخواست کی ہے

ترک کابینہ نے فیصلہ کیا ہے کہ اپنی فوج عراق روانہ کرے گی جہاں وہ صورتِ حال کو مستحکم کرنے میں امریکی فوج سے تعاون کر سکے۔

تاہم حتمی منظوری کے لئے ابھی اس فیصلے کوپارلیمان کے مکمّل اجلاس میں پیش کیا جائے گا۔

اطلاعات کے مطابق ترکی اپنی دس ہزار فوج عراق بھیجنے کی تیاری کر رہا ہے۔ اگر پارلیمان نے منظوری دے دی تو عراق میں امریکہ اور برطانیہ کے بعد سب سے بڑی فوج ترکی ہی کی ہوگی اور امریکہ کی مدد کے لئے اپنی فوج عراق روانہ کرنے والا وہ پہلا اسلامی ملک ہوگا۔

گزشتہ مارچ میں ترک پارلیمان نے امریکی حملہ آوروں کو عراق تک گزرگاہ فراہم کرنے سے انکار کر دیا تھا لیکن اب یوں محسوس ہوتا ہے کہ ترکی نہ صرف امریکہ سے تعلقات بہتر کرنے کا خواہاں ہے بلکہ خطّے میں ایک اہم ملک کے طور پر اپنی حیثیت منوانے کا آرزومند بھی ہے۔