یہ صفحہ دوست کو ای میل کیجیئے		پرِنٹ کریں

حنبلی عرف رضوان عصام الدین

امریکہ نے مشتبہ شدت پسند حنبلی کی گرفتاری میں دی گئی مدد کے سلسلے میں تھائی لینڈ کی حکومت کو دس ملین ڈالر کی رقم دی ہے۔

تھائی لینڈ کے وزیر اعظم تھاکسن شناوترا نے کہا ہے کہ یہ رقم ان کو مل چکی ہے اور اب وہ یہ فیصلہ کریں گے کہ یہ کن پولیس افسروں یا اداروں میں تقسیم ہونی چاہیے۔

حنبلی عرف رصوان عصام الدین کو اگست میں تھائی لینڈ کی دار الحکومت بینگ کاک کے شمال سے گرفتار کیا گیا تھا۔

خیال ہے کہ وہ مشرق بعید میں سرگرم جامعہ اسلامیہ کے رہنما ہیں اور ان کے القاعدہ تنظیم سےے بھی تعلق رہا ہے۔

حنبلی کو امریکیوں کے حوالے کر دیا گیا ہےاور ان سے تفتیش جاری ہے۔

جامعہ اسلامیہ اسی کی دہائی میں قائم ہوئی تھی اور اس پر الزام ہے کہ اس نے جکارتا اور بالی کے بم حملے سمیت کئی دہشت گرد منصوبوں کی ذمہ دار ہے۔

یہ تنظیم ملائیشیا، انڈونیشیا، سنگاپور اور فلپائن کے کچھ علاقوں میں ایک اسلمای ریاست قائم کرنا چاہتی ہے۔