یہ صفحہ دوست کو ای میل کیجیئے		پرِنٹ کریں

گاؤں والوں نے ملزمان کو چھپنے میں مدد دی: پولیس

ہندوستان کی ایک عدالت نے تین سال قبل ایک آسٹریلوی مشنری اور ان کے دو بیٹوں کے قتل کے مقدمے میں بڑے ملزم دارا سنگھ سمیت تیرہ افراد کو قصوروار قرار دیا ہے۔

اوڑیسا کی خصوصی عدالت نے ایک شخص کو ناکافی شہادت کی بنا پر رہا کر دیا۔ مجرمان کو سزا بائیس ستمبر کو سنائی جائےگی۔

مشنری گراہم اسٹین اور ان کے بیٹوں، دس سالہ فلپ اور آٹھ سالہ ٹموتھی، کو ملک کی مغربی ریاست اوڑیسا میں انیس سو ننانوے میں زندہ جلا دیاگیا تھا۔

واقعہ کی تفصیلات کے مطابق گراہم اسٹین اپنے بیٹوں کے ساتھ ریاست کے ایک دور دراز گاؤں منوہر پور میں گرجے کے باہر اپنے بیٹوں کے ساتھ گاڑی میں سو رہے تھے جب اسے آگ لگا دی گئی۔

دائیں بازو کے ہندؤوں پر الزام لگایا تھا کہ انہوں نے آسٹریلوی مشنری کو عیسائیت کی تبلیغ کی وجہ سے ہلاک کیا تھا کیونکہ مبینہ طور پر ان کے خیال میں یہ لوگ لوگوں کو زبردستی مذہب تبدیل کرنے پر مجبور کر رہے تھے۔

لیکن تحقیقات کے بعد ہندو تنظیموں کے خلاف اس الزام کو رد کر دیا گیا تھا۔ اس مقدمے کے سلسلے میں دو سال قبل ایک لڑکے کو سزاسنا کر بچوں کی جیل میں بھیج دیا گیا تھا۔

دارا سنگھ پر الزام ہے کہ انہوں نے مبینہ طور پر گراہم اسٹین کو قتل کرنے بعد ایک مسلمان تاجر اور ایک گرجے پر بھی حملے کئے تھے۔

پولیس کا کہنا ہے کہ گاؤں والوں نے ایک سال تک دارا سنگھ کو اس کی مسلمانوں اور عیسائیوں کے خلاف کارروائیوں کی وجہ سے چھپنے میں مدد کی تھی۔