یہ صفحہ دوست کو ای میل کیجیئے		پرِنٹ کریں

ستائیس افراد اب بھی لاپتہ ہیں

اقوامِ متحدہ کے ادارہ برائے پناہ گزین UNHCR کے مطابق انسانی سمگلروں نے ایک کشتی پر سوار افراد کو بندوق کی نوک پر خلیجِ عدن میں چھلانگ لگانے پر مجبور کردیا جس کے نتیجے میں کم از کم بیس افراد ڈوب کر ہلاک ہوگئے ہیں۔

کشتی پر سوار بیشتر افراد کا تعلق صومالیہ اور ایتھوپیا سے تھا اور انہیں غیر قانونی طور پر افریقہ سے یمن لایا جا رہا تھا۔

UNHCR کے مطابق چھلانگ لگانے والوں میں سے پچپن زندہ بچ گئے ہیں جبکہ ستائیس لاپتہ ہیں۔

ادارے کے مطابق اس علاقے میں انسانی سمگلنگ کے واقعات عام ہیں۔ افریقی ممالک کے باشندے اکثر ہی غربت و افلاس کے ہاتھوں مجبور ہوکر انسانی سمگلروں کے جھانسے میں آ جاتے ہیں اور بہتر زندگی کی امید پر مشکلات جھیلتے ہیں۔

اکثر اس گھناؤنے کاروبار میں ملوث افراد، اپنے ساتھ لائے گئے افراد کو سمندر میں کودنے پر مجبور کردیتے ہیں تاکہ وہ یمن کی گشت کرنے والی سیکورٹی فوج کی نظروں سے بچ سکیں۔