یہ صفحہ دوست کو ای میل کیجیئے		پرِنٹ کریں

تحریر: پال رینالڈز

لبیا کو زر تلافی کے دو اعشاریہ سات ارب ڈالر ادا کنے ہوں گے

لیبیا سے پابندیاں اٹھائے جانے کا مطلب یہ ہے کہ یہ ملک طویل عرصے کے بعد بین الاقوامی تنہائی سے باہر آیا ہے۔

عراقی صدر صدام حسین کے ساتھ پیش آنے والے حالات و واقعات کے پس منظر میں یہ کہا جاسکتا ہے کہ کرنل معمر قذافی خوش قسمت ہیں۔

اب ان پابندیوں کے اٹھائے جانے سے لیبیا بیرونی دنیا کے ساتھ تعلقات استوار کرسکے گا۔ تاہم امریکہ کی جانب سے لیبیا پر اقتصادی پابندیاں عائد رہیں گی۔

امریکہ اب بھی لبیا پر دہشتگردی کی سرپرستی کرنے کا الزام عائد کرتا ہے۔

امریکی حکام نے کہا ہے کہ وہ لیبیا میں حقوقِ انسانی کی بگڑتی صورتحال، حکومت کے غیر جمہوری رویہ، دہشتگردی کی سرپرستی کی تاریخ اور وسیع تباہی کے ہتھیار بنانے کی کوششوں پر تشویش کا شکار ہیں۔

لیبیا تیل کی پیداوار کے لحاظ سے ساتواں بڑا ملک ہے۔ تاہم گزشتہ دس برسوں سے زیادہ تک برقرار رہنے والی پابندیوں سے اس کی اقتصادی حالت بہرحال متاثر ہوئی ہے۔

لاکربی کے واقعہ کے حوالے سے لیبیا کو دو سو ستر خاندانوں میں دو عشاریہ سات ارب ڈالر بطور زر تلافی ادا کرنا ہوں گے۔

اگر اگلے چھ ماہ میں امریکہ نے لیبیا پر عائد پابندیاں نہ اٹھائیں تو لیبیا اتنی بڑی رقم ادا نہیں کرسکے گا۔