جنگلی حیات کی ایک جھلک

کم ڈیٹا استعمال کرنے کے لیے صرف تحریر پڑھیں

دو ہزار تیرہ کے وائلڈ لائف فوٹو گرافر آف دی ایئر کی نمائش اکتوبر میں شروع ہو گی۔ اس سے پہلے ہم آپ کو اس مقابلے میں مختلف زمروں میں سراہی جانے والی تصاویر کی جھلک دکھا رہے ہیں۔

ڈیانا ریبمین، امریکہ
،تصویر کا کیپشناس تصویر کے لیے ڈیانا ریبمین کو جیرالڈ ڈيوریل ایوارڈ کی درجہ بندی میں سراہا گیا۔ یہ ایوارڈ جانوروں کی ایسی نسل کے موضوع کو اجاگر کرنے پر دیا جاتا ہے جن کی نسل کو خطرہ ہو۔ روانڈا کے والكینونیشنل پارک میں لی گئی یہ تصویر پہاڑی گوریلے اور اس کے جڑواں بچوں کی ہے۔
ڈگلس سیفرٹ، امریکہ
،تصویر کا کیپشناس مقابلے میں پیشہ وارانہ اور غیر پیشہ وارانہ فوٹو گرافر حصہ لیتے ہیں۔ ڈگلس سیفرٹ نے یہ تصویر مصر کی خلیج مارسا عالم میں کھینچی۔ انہوں نے یہ تصویر اس وقت کھینچی جب بہت سے تیراک ڈگونگ (سمندری بھینسا) کو دیکھنے کے لیے اس کے قریب آگئے تھے۔
مائیکل نکولس
،تصویر کا کیپشنمائیکل نکولس نے افریقہ کے علاقے سیرنگیٹی میں پائے جانے والے ان شیروں کی تصویریں لینے میں کئی مہینے گزارے۔ یہ شیر وہاں ان کی گاڑی کی موجودگی کے عادی ہوگئے تھے اور اس کے قریب آ کر بیٹھ جایا کرتے تھے اس لیے انہوں نے ایک عام لینز اور قدرتی روشنی کی مدد سے یہ تصویر لی۔ اس تصویر کے بارے میں نکولس کہتے ہیں کہ: ’ان شیروں کو دیکھ کر تو لگتا ہے کہ یہ بارش سے خوش نہیں لیکن ایسا ہے نہیں۔ جب پانی کی کمی ہوتی ہے تو شیروں کا یہ جوڑا اپنے اور ایک دوسرے پر سے پانی کے قطرے چاٹتے دکھائی دیتے ہیں۔‘
لكاس بوژیسکی، پولینڈ
،تصویر کا کیپشنلكاس بوژیسکی کا تعلق پولینڈ کے شہر وارسا سے ہے جہاں بہار کے موسم کے شروع میں اس تالاب میں مینڈکوں کی بہت سی قسمیں نظر آتی ہیں۔ وہ کہتے ہیں ’میں ان کو ایک نئے طریقے سے تصویر بند کرنا چاہتا تھا‘۔ انہوں نے سورج کے ڈھلنے کا انتظار کیا اور ٹیلی فوٹو لینز کے مدد سے یہ تصویر کھینچی۔
والٹر برنارڈیسكي
،تصویر کا کیپشنوالٹر برنارڈیسكي کی اس تصویر کو خشکی پر رہنے والے جانوروں کے برتاؤ کی درجہ بندی میں سراہا گیا۔ ہر سال جولائی سے ستمبر کے درمیان لاکھوں سامن مچھلیاں بحرالکاہل سے منسلک دریاؤں سے روس کی كرلي جھیل کا رخ کرتی ہیں۔ اتنی بڑی تعداد میں ان کی جھیل میں آمد آس پاس کے جنگل میں موجود ریچھوں کی توجہ حاصل کرتی ہے اور وہ ان کا شکار کرتے ہیں۔
الیجیدرو پریٹو، میکسیکو
،تصویر کا کیپشنکوسٹا ریکا کے ساحل پر واقع كوركوواڈو نیشنل پارک تک صرف کشتی یا پھر جہاز کے ذریعے پہنچا جا سکتا ہے۔ میکسیکو کے فوٹو گرافر الیجیدرو پریٹو نے خطرناک بُل شارک کو تصویر بند کرنے کے لیے ان کی تلاش شروع کی۔ لیکن یہاں انہوں نے سمندر میں سے ایک مگر مچھ نکلتے دیکھا جس کے منہ میں ایک کچھوا تھا جو خود کو چھڑانے کی کوشش کر رہا تھا۔ پریٹو اس منظر کی صرف ایک ہی تصویر لے پائے تھے کہ مگرمچھ اپنے شکار سمیت واپس پانی کے اندر چلا گیا۔
سولون ژنکل، جرمنی
،تصویر کا کیپشنہر سال سولون ژنکل سرد موسم کے ختم ہونے کا انتظار کرتے ہیں جب بہت سے مینڈک تالاب میں نظر آنا شروع ہوتے ہیں۔ اس مرتبہ وہ مغربی جرمنی کے علاقے سولِنگ گئے اور وہاں یہ تصویر کھینچی۔
مارکوس سوبرال، پرتگال
،تصویر کا کیپشنشمالی بھارت کا علاقہ ورانسی پرانے شہروں میں سے ایک ہے جہاں انسانوں کے ساتھ ساتھ بندر بھی آباد ہیں جس کی ایک مثال آپ مارکوس سوبرال کی اس تصویر میں دیکھ سکتے ہیں۔
اگوراستوس پاپاسانيس، یونان
،تصویر کا کیپشنفوٹو گرافر اگوراستوس پاپاسانيس کی اس تصویر کو تخلیقی وژن کی درجہ بندی میں سراہا گیا۔ انہوں نے یونان کے علاقے گریوانا کے جنگل میں ان چھتوں کو موضوع بنایا۔
ایٹینے فرانسی، سویٹزرلینڈ
،تصویر کا کیپشنپندرہ سے سترہ سال کی عمر کی درجہ بندی میں ایٹینے فرانسی کی تصویر کو سراہا گیا۔ انہوں نے سوئٹزرلینڈ کے ایک گاؤں میں اس چھوٹے سے چوہے کی تصویر اس وقت لی جب وہ اناج كترنے کی کوشش کر رہا تھا۔ مقابلے میں سراہی جانے والی اور بہترین تصاویر کو لندن کے نیشنل ہسٹری میوزیم میں اکتوبر میں نمائش کے لیے پیش کیا جائے گا۔