آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
سڈنی میں ٹی ٹوئنٹی ورلڈ کپ کے پہلے سیمی فائنل میں پاکستان نے نیوزی لینڈ کو سات وکٹوں سے شکست دے کر فائنل میں جگہ بنا لی ہے۔ پاکستان نے 153 رنز کا ہدف 19ویں اوور میں حاصل کیا۔
ٹی ٹوئنٹی ورلڈ کپ کا فائنل 13 نومبر کو کھیلا جائے گا۔
پاکستان نے فائنل میں جگہ بنا لی ہے۔
انڈیا اور انگلینڈ کے درمیان دوسرے سیمی فائنل میں یہ فیصلہ ہوگا کہ بابر اعظم الیون کا مقابلہ ان دونوں میں سے کس ٹیم ہوگا۔
بابر اعظم نے کہا: ٹیم نے بہت اچھا کھیلا۔ کراؤڈ کا شکریہ، ایسا لگ رہا ہے جیسے ہم گھر پر کھیل رہے ہیں۔ شاہین نے اچھا آغاز دیا، پھر شاداب اور نواز نے اچھی بولنگ کی۔ ہم (رضوان اور میں) نے فیصلہ کیا تھا کہ پہلے چھ اوورز میں جارحانہ کھیلنا ہے۔ بعد میں سب نے رنز کا اضافہ کیا۔ حارث نوجوان کھلاڑی ہیں اور اعتماد کے ساتھ کھیلتے ہیں۔ ہم اس لمحے کو انجوائے کر رہے ہیں، ہمیں نہیں معلوم کہ فائنل میں ہمارا سامنا کس ٹیم سے ہوگا۔ لیکن ہماری توجہ اب فائنل پر ہے۔
ایک ہفتہ پہلے تک جس ٹیم کی وطن واپسی کی پیشگوئیاں ہو رہی تھیں آج اس نے ورلڈکپ کے فائنل کے لیے کوالیفائی کر لیا ہے۔ پاکستان کی سیمی فائنل میں فتح کے بعد سڈنی اور لاہور سے دیکھیے یہ لائیو۔
ولیمسن نے کہا: پاکستان نے اچھی بولنگ کی مگر مچل نے اچھا کھیلا۔ پاکستان نے عمدہ کارکردگی دکھائی اور وہ جیت کے مستحق ہیں۔ ہماری فیلڈنگ ٹھیک دی مگر بابر اور رضوان نے ہم پر دباؤ ڈالا۔ ہمیں فیلڈنگ پر دھیان دینا چاہیے تھا۔‘
رضوان نے کہا: میں نے اور بابر نے فیصلہ کیا کہ نئی گیند کے خلاف جارحانہ کھیلنا ہے اور پچ مشکل تھی۔ پاور پلے کے بعد ہم نے بات کی کہ ایک کو آخر تک میچ لے جانا ہوگا۔ ٹیم نے سخت محنت کی ہے اور ہمیں ہمیشہ سے خود پر یقین تھا۔
پاکستان نے نیوزی لینڈ کو سات وکٹوں سے شکست دی ہے۔
شان مسعود کی کریز پر آمد۔۔۔
